La Montagne Resort 611

Beskrywing

La Montagne Resort 611 bied gerieflike selfsorgverblyf in 'n ateljeewoonstel in die La Montagne Oord en Spa op Ballito se seefront. Die ateljeewoonstel is smaakvol versier, bied 'n see-uitsig en is op die strand.

Die oopplan-ateljee is op die sesde verdieping en het 'n dubbelbed, 'n badkamer met 'n bad, stort, toilet en 'n wasbak, en daar is 'n kombuis en eetarea. Linne en badhanddoeke word voorsien en gaste moet hul eie strandhanddoeke saambring. Die kombuis het 'n yskas-vrieskas, 'n stoof me glasplate, 'n mikrogolf, ketel, broodrooster, potte, panne, eetgerei, breekware en granietafwerkings.

Daar is ook 'n TV met sekere DStv-kanale en lugversorging vir die warm somersdae.

Die privaat stoep het 'n elektriese braai en stoepmeubels waarop gaste kan ontspan en die pragtige see-uitsig geniet.

La Montagne bied toegang tot die strand waar gaste kan snorkel, die rotspoele verken en swem. Die oord het 'n aantal geriewe soos 'n speletjiesarkade, 3 eetplekke, 'n swembaddek en kroeg, 'n skoonheid- en gesondheidsentrum, muurbalbane en musiekvermaak.

Daar is ook 24 uur-sekuriteit en onderdakparkeerplek.