La Motte Gastehuis

Gastehuis

Kapasiteit: 17 persone
Alle ouderdomme is welkom
Inkloktyd: 13:00 tot 20:00
Uitkloktyd: 10:00
Adres: La Motté, Preekstoelpad, Bethlehem, 9700, Vrystaat
Vanaf R750 per nag, vir 2 mense

Beskrywing

La Motte Gastehuis is langs die N5 geleë, net 4 km buite Bethlehem in die rigting van Kestell en Harrismith. Hiér kan gaste die natuurskoon en die rustigheid van die Oos-Vrystaat geniet. Dit is ideaal vir oornaggaste, sakereisigers en ouers wat sporttoernooie wil bywoon.

Die gastehuis bied slaapplek in 6 kamers vir 12 tot 17 gaste. Daar is 2 slaapkamers in die kothuis, 3 buitekamers en 1 solderkamer in die plaashuis.

Al ses kamers het 'n en suite-badkamer met 'n stort of stort-oor-bad. Skoon linne, handdoeke en elektriese komberse word voorsien. Geriewe in die kamers sluit lugversorging, DSTv en gratis WiFi in.

Tortelduif is in die kothuis en het 'n dubbelbed en 'n enkelbed, asook 'n badkamer met 'n stort. Jangroentjie is in die kothuis en het 'n koninggrootte-bed, enkelbed en 'n badkamer met 'n stort-oor-bad. Houtkapper is in die plaashuis en het 'n koninggrootte-bed, 2 enkelbeddens en 'n badkamer met stort-oor-bad. Kokkewiet is 'n solderkamer in die plaashuis en het 'n koninggrootte-bed, enkelbed en badkamer met bad. Tinktinkie is 'n klein kamer in die plaashuis met 2 enkelbeddens en 'n badkamer met stort. Tarentaal is 'n losstaande kamer en het 2 enkelbeddens en 'n badkamer met stort.

Elke kamer het 'n yskas, mikrogolf, eetgerei, braaitoerusting, tee- en koffiemaakgeriewe en beskuit. Tortelduif en Houtkapper is selfsorgeenhede. Buite is daar 'n stoep, tuin, braaigeriewe, swembad en plek vir kinders om te speel.

Clarens, Golden Gate-Hoogland Nasionale Park en Fouriesburg is van die nabygeleë plekke wat gaste kan verken. La Motte Gastehuis is langs Lavender Hill Wedding Venue geleë.

Kom geniet ouwêreldse gasvryheid en 'n plaasstyl-ontbyt wat teen 'n ekstra koste beskikbaar is.

Kry ’n Kwotasie