La Roca Guest House

Gastehuis

Kapasiteit: 40 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Van Wijk-straat 56, Nelspruit, 1200, Mpumalanga
Vanaf R1 765 per nag, vir 2 mense
TGCSA-gradering:

Beskrywing

La Roca, 'n top-instansie wat grens aan die Mbombela (Nelspruit) Natuurreservaat, bied luukse verblyf met 'n vriendelike en hartlike atmosfeer. Hier kan gaste onbelemmerde uitsigte oor die reservaat en veraf berge geniet, en dit is net 'n kort entjie se ry van die middestad af. La Roca is die ideale bestemming vir die oordeelkundige sakeman of vir 'n romantiese wegbreek vir 'n paartjie.

Die gastehuis is in 'n groot subtropiese tuin geleë, met 'n swembaddek wat wonderlike uitsigte bied. Dit is regtig 'n klein oase waar jy net heeltemal kan ontspan na 'n lang dag by die werk. Of jy kan die gastehuis gebruik as basis vanwaar jy die Krugerwildtuin en Panoramaroete kan verken. Die gastehuis kan ook dien as gerieflike oornagverblyf onderweg na Mosambiek en Swaziland.

Ontbyt word bedien in die oop grasdak-lapa, of op die swembaddek met panoramiese uitsigte oor die Natuurreservaat. Dit is waarlik 'n rustige en betowerende manier om jou dag te begin. Ons probeer om ons ontbyt 'n rapsie beter as die gewone spek en eiers te maak, en bedien elke oggend een van agt verskillende dog heerlike spesiale disse, tesame met 'n lekker verskeidenheid kouekos-buffet waar gaste hulself kan help. 'n Vegetariese ontbyt kan op versoek beskikbaar gestel word.

Ons swembaddek bied manjifieke uitsigte oor die natuurreservaat en berge waaragter die son saans inkruip. Dis 'n uitstekende plekkie om jou skoene uit te skop en te ontspan met 'n skemerkelkie in die hand. Ons het 'n yskassie vol voorraad in elke kamer, maar jy kan ook een van ons vriendelike personeellede vra om vir jou 'n drankie by die swembad te bring as jy eerder dit verkies. Swemhanddoeke en sonstoele word voorsien, en die swembad kan enige tyd van die dag of nag gebruik word, so jy kan of heerlik in die son baai, of saans die sterre vanuit die water bewonder.

Gaste is ook welkom om te gaan wandel in ons luisterryke subtropiese tuin vol enorme granietrotse. Ons het 'n bekoorlike area waar jy 'n houtvuur kan maak, en lekker kan braai in die tuin.

Kry ’n Kwotasie