La Rosa Dei Venti

Beskrywing

La Rosa Dei Venti bied selfsorgverblyf op die strandfront in Bloubergstrand, Kaapstad. Hierdie ruim vakansiehuis bied 'n lieflike uitsig oor die see en op helder dae kan jy tot by Tafelberg aan die anderkant van die baai sien.

Hierdie dubbelverdiepinghuis het slaapplek vir tot 12 gaste en beskik oor 1 hoofhuis met 7 slaapkamers wat elk lugversorging het, 5 badkamers, 2 gastetoilette en 'n oopplan-leefarea, asook 'n ateljeewoonstel.

Vyf van die slaapkamers het 'n koningingrootte-bed en drie van hierdie slaapkamers het 'n en suite-badkamer met 'n stort, 'n bad, of albei. Die sesde en sewende slaapkamers het elk 'n enkelbed en bied toegang tot die vierde en vyfde badkamers wat elk 'n stort het. Vyf van die slaapkamers bied toegang tot 'n groot dek met 'n uitsig oor die see. Die klein ateljeewoonstel het weer slaapplek vir 2 kinders op slaapbanke.

Die kombuis is met 'n gasstoof, oond, yskas, mikrogolf, en 'n klompie kookgerei, breekware, eetgerei, 'n Nespresso-koffiemasjien en ander toebehore toegerus wat sorgelose selfsorgverblyf verseker. Daar is ook 'n kleiner kombuis wat meer geskik is vir die voorbereiding an ontbyt.

Die grondverdieping het 2 ruim sitareas, albei met lugversorging en 'n kaggel vir die kouer maande. Die hoofeetarea het sitplek vir 12 gaste en die informele ontbytarea het sitplek vir 8. Daar is 2 gastebadkamers en 'n nutsvertrek wat ten volle toegerus is. Die TV-sitarea het 'n 42"-TV met sekere DStv-kanale en 'n Netflix app, asook 'n kringklankstelsel wat oor die hele grondverdieping strek.

Die hoofleefarea lei na 'n vermaakarea op die dek wat na die see front en het stoepmeubels, 'n ingeboude braai en 'n verhitte swembadjie met 'n uitsig oor die Atlantiese Oseaan. Veilige parkeerplek is op die perseel beskikbaar.

La Rosa Dei Venti is sowat 20 km van die Kaapse Middestad en 32 km van Kaapstad Internasionale Lughawe af.