La vie Gastehuis

Selfsorg

Spesiale Aanbod 10% af

Kry 10% af (minimum twee nagte se verblyf). Geldig vir verblyf vanaf 8 Nov 2024 tot 31 Des 2024.

Kapasiteit: 8 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: Santolina-laan 126B, Geelhoutpark Ext 4, Rustenburg, 0299, Noordwes
Vanaf R480 per nag (plek vir 2)

Beskrywing

La Vie Gastehuis bied bekostigbare oornagverblyf in 'n bekoorlike gastehuis en is in 'n rustige woonbuurt van Rustenburg geleë.

Die gastehuis akkommodeer altesaam 8 gaste in 4 aparte eenhede met verhit-en-eetgeriewe. Slegs 3 van die 4 eenhede het kookgeriewe beskikbaar.

Eden Rose is ingerig met 2 enkelbeddens en die badkamer is toegerus met 'n stort, 'n wasbak en 'n toilet. Die eenheid het lugversorging, 'n yskassie, 'n mikrogolfoond, 'n tweeplaatstoof, tee- en koffiemaakgeriewe en 'n TV met sekere DStv-kanale.

Aloe het lugversorging en is ingerig met 2 enkelbeddens en 'n badkamer met 'n stort. Die eenheid beskik oor 'n yskassie, 'n tweeplaatstoof, 'n mikrogolfoond, tee- en koffiemaakgeriewe, asook 'n TV met sekere DStv-kanale.

Spelde Kussing is ingerig met 1 dubbelbed en die badkamer is toegerus met 'n bad, 'n wasbak en 'n toilet. Daar is 'n klein kombuisie wat toegerus is met 'n yskassie, broodrooster, mikrogolfoond en tee- en koffiemaakgeriewe. Hierdie eenheid het geen kookgeriewe nie.

Suikerbos is ingerig met 2 enkelbeddens, 'n waaier en het 'n en suite-badkamer met 'n stort, 'n wasbak en 'n toilet. Komplimentêre toiletware en badhanddoeke word voorsien. Die kamer beskik oor 'n TV met hotelpakket DStv-kanale, 'n privaat ingang en 'n kombuisie met kookgeriewe. Wi-Fi is ook beskikbaar.

Veilige parkeerplek van die straat af is beskikbaar vir 1 voertuig per kamer. Die perseel is baie veilig omhein met elektriese heinings en sekuriteitsbalke reg rondom asook 'n hek vir voertuie.

Nabygeleë besienswaardighede sluit Sun City, Hunters Rest Gholfbaan, Rustenburg Kloof, Kgaswane Bergreservaat, Sparkling Waters Spa en Waterfall Mall in. La Vie Gastehuis is langs die N4-hoofweg geleë.

Kry ’n Kwotasie