Beskrywing

Laaste Gift is 'n ruim selfsorg-vakansiehuis vir tot 10 mense, en is net 'n entjie van die see af geleë, en 1 km vanaf die swemstrand in Bettysbaai.

Uitsig oor die see, en met uitsigte oor die berg en omliggende fynbos. Dit grens aan 'n reservaatgebied wat beteken dat niemand aan die een kant kan bou nie.

Die dubbelverdiepinghuis beskik oor 4 slaapkamers, 3 badkamers, 'n kombuis, 'n eetarea, 'n sitkamer en 'n sonkamer.

Op die grondvloer is daar 2 slaapkamers en die groot sitkamer. Een van die slaapkamers is ingerig met 'n dubbelbed, en die ander het 'n enkelbed, sowel as 'n stapelbed. Die kamers deel die gebruik van 'n badkamer met 'n stort en toilet. Die sitkamer het 'n groot etenstafel en maak oop op 'n stoep met 'n 6-sitplek buite-eetarea.

Die eerste verdieping bestaan uit 2 en suite-slaapkamers, 'n ekstra toilet, die kombuis, 'n eetarea, die sitkamer en 'n sonkamer. Die eerste slaapkamer is ingerig met 'n koningingrootte-bed, sowel as 'n driekwartbed, en het 'n en suite-badkamer met 'n stort, 'n bad en 'n toilet. Die tweede slaapkamer maak oop op 'n dek en beskik oor 'n koningingrootte-bed, sowel as 2 driekwartbeddens, en het 'n badkamer met 'n stort, 'n bad en 'n toilet.

Gaste moet hul eie handdoeke saambring. Beddegoed word voorsien.

Die kombuis is toegerus met 'n stoof en oond, 'n mikrogolfoond, 'n yskas, asook tee- en koffiemaakgeriewe, en 'n skottelgoedwasser is beskikbaar vir gaste om te gebruik. 'n Trap lei vanaf die kombuis na die buitebraai-area.

Gaste kan ontspan in die sitkamer wat toegerus is met 'n TV met DStv en uitkyk oor die omgewing.

Gaste kan die Harold Porter Botaniese Tuin, of die pikkewynkolonie by Stony Point besoek, en die area bied verskeie doendinge soos sandplankry, swem, branderplankry, stap- en voetslaanroetes, asook verskeie restaurante.

Neem asseblief kennis dat geen harde musiek toegelaat word nie. Wanneer die gaste 'n bespreking maak, word 'n afskrif van die persoon wat die bespreking gemaak het se ID vereis.