Laasteskof

Selfsorg

Kapasiteit: 5 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Luttigstraat 6, Prins Albert, 9300, Wes-Kaap
Vanaf R2 950 per nag (plek vir 5)

Beskrywing

Laasteskof is een van die oudste, werkende, historiese plasies in die middel van Prins Albert in die Karoo en bied 'n ontspanne wegbreek aan 4 gaste.

Dié geskiedkundige huis is in 1945 deur dokter Luttig as 'n aftreehuis gebou. Vandaar die naam "Laasteskof". Die huis beskik oor 2 en suite-slaapkamers, 'n kombuis en 2 sitareas. Die hoofslaapkamer het 'n koningingrootte-bed en die tweede slaapkamer het 'n dubbelbed. Daar is 'n dagbed wat in 'n dubbelslaapbank omskep kan word in die sitarea. Elke en suite-badkamer het 'n bad, stort en 'n toilet. Gaste geniet ook die gebruik van die buitestort.

Die kombuis is met 'n stoof, oond, mikrogolf, yskas en tee- en koffiemaakgeriewe toegerus en daar is 'n etenstafel. Gaste kan in die sitareas ontspan en daar is 'n knus kaggel vir koue wintersaande.

Die huis maak oop op die stoep wat noord front en 'n uitsig oor die tuin tot in Luttigstraat bied, terwyl die stoep wat oos front 'n ingeboude braai en 'n uitsig oor die plaas en op die berge bied. Daar is veilige onderdakparkeerplek en die perseel is omhein. Troeteldiere is welkom indien dit vooraf gereël word.

Gaste by Laasteskof sal ontwaak met 'n haangekraai, vars eiers vir ontbyt kan geniet en vars, seisoenale vrugte en groente in die organiese groentetuin kan pluk. Dis pure plaasontspanning!

Prins Albert bied ook verskeie doendinge soos bergfietsry, voetslaan en voëlkyk. Gaste kan 'n geskiedkundige stappie deur die dorp geniet en na verskeie nasionale monumente kyk. Die dorp spog ook met restaurante en koffiewinkels, asook 'n Saterdagmarkie.

Kry ’n Kwotasie