L'Abondant Vinge Stone Cottages

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Schikfontein V6-C15, Heidelberg, 1438, Gauteng
Vanaf R1 300 per nag (plek vir 2)

Beskrywing

L'Abondant Vinge Stone Cottages is bekoorlike, ongekunstelde kothuise op die oewer van die Suikerbosrivier. Dié kothuis is sowat 'n uur se ry van Pretoria af en net 18 km vanaf Heidelberg, wat dit ideaal maak vir 'n rustige wegbreeknaweek. Verblyf word in 2 klipkothuise gebied wat elk slaapplek vir 4 gaste het.

L'Abondant Vinge Stone Cottage 1 maak gebruik van gas én beperkte elektrisiteit. Lampe en kerse sorg vir lig. Daar is 'n dubbelbed op die onderste vloer en 2 enkelbeddens in die kamer op die tussenvloer. Die badkamer het 'n gaswarmwatersilinder en net 'n stort. Die oopplan-kombuis en leefarea is op die onderste verdieping. Die kombuisie is toegerus met 'n elektriese yskas, 2 gasplate, 'n ketel, breekware en eetgerei. Buite is daar 'n stoep met 'n ingeboude braai, buitemeubels en 'n uitsig oor die rivier.

L'Abondant Vinge Stone Cottage 2 is toegerus met 'n koningingrootte-bed en 'n solder met 2 enkelbeddens. Dié kothuis het 'n oopplan-leefarea en -kombuis met 'n tweeplaat-gasstoof en 'n yskassie. Buite is daar 'n stoep met braaigeriewe.

Piekniekmandjies en heerlike tuisgemaakte etes kan op versoek gereël word.

Daar is tientalle doendinge in die omgewing soos kunsvlieghengel, roei, stap en bergfietsry. Gaste kan ook net lekker ontspan in die rustige atmosfeer en luister na die gesang van al die voëlspesies wat hier voorkom. Die kothuis staan op 'n organiese plaas, so organiese produkte is natuurlik beskikbaar. Die plaas produseer organiese vrugte en groente, vleis, rou heuning, rou melk, kaas en jogurt.

Kry ’n Kwotasie