Labori

Selfsorg

Kapasiteit: 36 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Compensation Beach-weg 54, Labori, Ballito, 4220, KwaZulu-Natal
Vanaf R1 380 per nag (plek vir 6)

Beskrywing

Labori bied gerieflike selfsorgverblyf in ’n kompleks in Ballito en bied maklike toegang tot die strand.

Gaste kan kies tussen woonstelle op die eerste verdieping of grondverdieping van die kompleks. Elke woonstel beskik oor 3 slaapkamers, 2 badkamers, ’n kombuis, eetarea en sitarea.

Elke hoofslaapkamer het ’n dubbelbed en ’n en suite-badkamer met ’n bad en toilet. Die ander 2 slaapkamers het elk 2 enkelbeddens en deel die gebruik van ’n badkamer wat ’n stort en toilet het. Linne en badhanddoeke word voorsien en gaste moet asb. hul eie swemhanddoeke saambring.

Elke kombuis is met ’n stoof, oond, mikrogolfoond, yskas en tee- en koffiemaakgeriewe toegerus. Etes kan by die etenstafel geniet word. Die privaat sitareas het elk ’n TV en gaste moet asb. hul eie dekodeerders, afstandbeheerders en slimkaarte saambring om DStv te kyk.

Daar is ’n gemeenskaplike swembad wat omhein is, sowel as braaigeriewe in die kompleks. Ongelukkig word troeteldiere nie toegelaat nie.

Die kompleks lei na die strand se promenade waar daar restaurante, ’n kruidenierswinkel en nagklubs is. Ballito het ongerepte strande en warm water. Gaste kan lyfplankry, branderplankry, swem, duik en visvang. Besienswaardighede in die area sluit die King Shaka-erfenisroete, Crocodile Creek, die Ballito Leefstylsentrum en verskeie restaurante en winkelsentrums in.

Kry ’n Kwotasie