Lagoon Leisure

Selfsorg

Kapasiteit: 10 persone
6 volwassenes, 4 kinders
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Bayswater-weg 71, Leisure-eiland, Knysna, 6570, Wes-Kaap
Vanaf R8 500 per nag (plek vir 10)

Beskrywing

Lagoon Leisure is 'n multiverdiepinghuis op Leisure-eiland in Knysna. Dit bied 'n uitsig oor die Knysna-strandmeer en die bekende Knysnakoppe en is ideaal vir 'n groot gesin.

Hierdie huis bied slaapplek aan 6 volwassenes en 4 kinders. Dit beskik oor 4 slaapkamers en 3 badkamers. Die eerste, tweede en derde slaapkamer het 'n koningingrootte-bed en die vierde slaapkamer het 'n dubbelbed vir kinders en 'n stapelbed vir kinders. Party kamers het sitareas met 'n uitsig oor die omgewing en lei na balkonne met meubels of 'n lieflike tuin. Twee slaapkamers het en suite-badkamers en die ander slaapkamers deel 'n badkamer met 'n bad en stort. Linne en badhanddoeke word voorsien.

Die kombuis is met 'n elektriese stoof, gasstoof, dubbeloond, mikrogolf, ketel, broodrooster, koffiemasjien, yskas-vrieskas, skottelgoedwasser, wasmasjien en tuimeldroër toegerus. Die sit- en eetarea het sitplek om te eet en te ontspan, asook 'n kaggel. Daar is 'n TV met DStv in die tweede sitarea. Gratis WiFi is beskikbaar.

Die hoofleefarea lei na die stoep met sitplek en 'n uitsig oor die grasperk, strandmeer en op die Knynakoppe. Daar is veilige parkeerplek op die perseel. Die verblyf is 350 m vanaf Bollardsbaai en 600 m vanaf koffiewinkels en trekpleisters.

Kry ’n Kwotasie