Lagoon View House

Beskrywing

Lagoon View House is 'n vakansiehuis in Knysna. Die huis spog met 'n pragtige strandmeer-uitsig en is 5,2 km vanaf die Knysnakoppe en 5,5 km vanaf Pezula Gholfklub. Die naaste lughawe is Plettenbergbaai Lughawe wat 29 km ver is.

Die vakansiehuis bied slaapplek aan 8 gaste en beskik oor 4 slaapkamers, 3 badkamers, 'n kombuis en 'n leefarea. Die hoofslaapkamer het 'n koninggrootte-bed en 'n en suite-badkamer met 'n bad, stort, toilet en 'n wasbak. Die tweede slaapkamer het 'n dubbelbed en die derde slaapkamer het 2 enkelbeddens. Die vierde slaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die derde badkamer het 'n bad, stort, toilet en 'n wasbak. Linne en handdoeke word voorsien.

Die oopplan-kombuis op die onderste verdieping is met 'n yskas-vrieskas, stoof, oond, skottelgoedwasser, mikrogolfoond, eetgerei, breekware en tee- en koffiemaakgeriewe toegerus. Dit lei na die sitarea waar daar 'n sitkamerstel, 'n losstaande kaggel en 'n platskerm-TV is. Daar is ook 'n etenstafel met stoele en gratis WiFi.

Buite is daar 'n groot dek met 'n balkon, buitemeubels en braaigeriewe. Veilige parkeerplek is op die perseel beskikbaar.