Laguna La Crete 26

Selfsorg

Spesiale Aanbod 10% af

Kry 10% af. Geldig vir verblyf vanaf 6 Des 2024 tot 12 Jan 2025.

Kapasiteit: 4 persone
Alle ouderdomme is welkom
Inkloktyd: 14:00 tot 16:00
Uitkloktyd: 09:00
Adres: Selveylaan, Uvongo, Margate, 4270, KwaZulu-Natal
Vanaf R1 140 per nag (plek vir 4)

Beskrywing

Laguna La Crete 26 bied selfsorgverblyf en is in 'n veilige kompleks in Uvongo geleë. Hierdie kompleks kyk uit oor die strand en is 'n kort motorrit vanaf verskeie doendinge en besienswaardighede in die Margate-omgewing.

Let wel dat geen partytjies, geraas, harde musiek of ekstra gaste toegelaat word nie. Maksimum 4 volwassenes word toegelaat.

Dié woonstel is op die eerste verdieping geleë en spog met 'n 270°-uitsig oor die strand en strandmeer, en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad. Die hoofslaapkamer en die en suite-badkamer het albei 'n see-uitsig. Die tweede en derde slaapkamer het elkeen 2 enkelbeddens en deel die gebruik van die tweede badkamer met 'n bad en 'n stort. Die tweede kamer het 'n see-uitsig.

Die kombuis, sitkamer en eetkamer het 'n ongelooflike see-uitsig. Die oopplan-kombuis het 'n yskas, oond, stoof, mikrogolfoond en 'n skottelgoedwasser. Die leefarea langsaan het 'n eetkamertafel met sitplek vir 6 mense en 'n sitkamer wat toegang bied tot die balkon met braaigeriewe en 'n see-uitsig. Hier is Dstv. Die kompleks het 24 uur-sekuriteit met 'n sekuriteitshek, onderdakparkeerplek, swembad, tennis baan en gemeenskaplike braaigeriewe.

Uvongo-strand is veilig vir swem en het haainette en lewensredders aan diens. Die strand het 'n lieflike strandmeer met 'n prentjiemooi waterval. Kano's en roeibote kan by die strandmeer gehuur word.

Die kompleks is ook ideaal geleë sowat 4 tot 5 km vanaf Margate se hoofstrand, restaurante en die Hibiscus Mall. Die Suidkus het verskeie doendinge soos swem, branderplankry, branderry, draf, bergfietsry, duik, visvang, gholfspeel of net eenvoudig ontspan in die son.

Kry ’n Kwotasie