Asemrowende omgewing en fantastiese stilte. Waarlik sielsvoedend. Die stal was baie netjies en skoon met alle benodighede na omgesien. Baie vriendelik ontvang en geen klagtes nie. Beslis 'n plek om jou siel te laat rus. Dag 1 se staproete was uitdagend maar beslis die moeite werd.

Heerlik en gemaklik gekuier, vir klein en groot 'n avontuur! Was ons aangenaam verras! Dis die beste waarde vir geld as mens liefde het vir 'n landelike omgewing! Gerieflik ingerig, alles wat nodig is en meer, lekker lang kuiertafel vir etes, interessante dekor, en in 'n pragtige omgewing van die Noordoos Vrystaat. Heerlik en warm geslaap. Sal egter beter wees om 'n pin van die afdraaiplek te ontvang as van die Stal self.

Wonderlike verblyf en baie mooi omgewing. Ongelukkig was die weer onaangenaam, maar die kaggel het opgemaak daarvoor. Ons wil beslis teruggaan. Wonderlik vir fietsry en bergklim. Heerlike huis met die mooiste uitsig.

Baie lekker kuierplek in 'n mooi gedeelte van die Vrystaat. Ons het ons tydjie by Langeberg baie geniet. Alles was mooi skoon en netjies en is uitstekende waarde vir geld. Ons sal graag weer soontoe wil gaan.

Het lekker ontspan, baie rustig gewees en wonderlike uitsig. Lekker naby Johannesburg, het nie ver gery nie. Baie bekostigbaar en die verblyf het alles wat jy nodig het met ’n wonderlike uitsig en lekker kaggel toe dit koud was.

Ons gunstelingplek om te besoek. Ons is mal oor hierdie plek en was ons 2de besoek en sal beslis weer by Riana gaan kuier.

If you are looking for peace and quiet, this is the place to go. Due to the nature of my visit (hunting in the area) it would have been nice to have a lock up safe on the premises. We truly love the solitude, stunning landscape and the peace and quiet. We will visit Langberg any time again.

Baie lekker, ontspanne atmosfeer. Waarsku miskien klante met klein motortjies oor die laaste 2km se pad, dit kan 'n probleem wees.

'n Aangename verrassing. Wat 'n pragtige omgewing en uitsonderlike mooi staproete oor die berg. Baie goed beplan om die mooiste met ons as stappers te deel. Ons was 16 stappers en Riana het ons tegemoet gekom met ekstra verblyf wat ons ongelooflik waardeer het. Almal was dit eens, wat 'n heerlike naweek van kuier en stap. Dankie aan Langberg se gasvrou.