Langebaan Country Estate

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Aldegrondeweg 20, Langebaan Country Estate, Langebaan, 7357, Wes-Kaap
Vanaf R2 200 per nag (plek vir 10)

Beskrywing

Die dubbelverdiepinghuis is in die Langebaan Country Estate geleë binne 150 m van die klubhuis, swembad, gimnasium, putt-putt baan, en met 'n uitsig oor die rolbalbane aan die een kant en Saldanha baai aan die ander kant.

Dié selfsorghuis het slaapplek vir 10 gaste en beskik oor 4 slaapkamers. Die hoofslaapkamer is ingerig met 'n dubbelbed en het 'n en suite-badkamer met 'n stort, wasbak en toilet. Die tweede slaapkamer het 'n dubbelbed terwyl die derde slaapkamer ingerig is met 2 enkelbeddens en die vierde met 2 stapelbeddens. Die huis het 'n gastebadkamer met 'n bad, stort, wasbak en toilet, asook 'n aparte gastetoilet. Alle linne en handdoeke word voorsien.

Die kombuis is volledig toegerus met 'n yskas-vrieskas, stoof, oond, mikrogolf, basiese breekware en eetgerei, asook tee- en koffiemaakgeriewe. Boonop is daar 'n skottelgoedwasser sowel as 'n wasmasjien, tuimeldroër en 'n bykomende yskas-vrieskas in 'n aparte opwaskamer. Van die kombuis af lei die eetarea met 'n etenstafel en stoele, en brei uit na die sitkamer wat gemaklike sitplek en 'n TV het.

Dié huis bederf met 'n binnebraai-area wat ook uitloop op die patio wat buitemeubels sowel as braaigeriewe het.

Die eiendom bied veilige 24 uur-sekuriteit met veilige parkeerplek op die perseel en is baie sentraal geleë vir al die gaste se vakansiebehoeftes.

Kry ’n Kwotasie