Lavender House

Gastehuis

Kapasiteit: 36 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Kings-weg 55 en 57, Fort Hill, King Williams Town, 5601, Oos-Kaap
Vanaf R1 250 per nag, vir 2 mense

Beskrywing

Lavender House bied gastehuisverblyf en is sentraal geleë in 'n stil woonbuurt van King William's Town. Ervaar 'n stukkie van die geskiedenis van King Williams Town in hierdie monumentale gebou. The Lavender House is stapafstand vanaf die dorp, winkelsentrums, banke, restaurante en The Hubertha Museum.

Daar is 16 gastekamers wat almal 'n en suite-badkamer het. Elke kamer het 'n privaat ingang en beskik oor óf 'n dubbel- óf 'n koningingrootte-bed. Sommige kamers is ruim genoeg om 'n ekstra enkelbed te akkommodeer indien dit vooraf gereël word. Hoëgehalte perkallinne, handdoeke en toiletware word voorsien. Elke kamer is toegerus met DStv, 'n lessenaar, yskassie, strykyster, strykplank, tee- en koffiemaakgeriewe. Lugversorging is beskikbaar by sommige van ons kamers, spesifiseer asseblief jou vereistes wanneer jy bespreek.

Die gastehuis is in 'n pragtige tuin geleë waar gaste vry is om langs die swembad te luier of die lapa-area te gebruik vir 'n genotvolle braai of om net die geselskap van mekaar te geniet. 'n Ontbytbuffet word elke oggend bedien. Die gastehuis bied 'n verskeidenheid middagetes en aandetes op versoek. Indien jy nodig het, is 'n pendeldiens beskikbaar na bestemmings in en om King Williams Town.

Kry ’n Kwotasie