Beskrywing

Lavender and Roses B&B is geleë in die dorpie Bergville. Kom geniet die luuksheid van ons pragtig gemeubileerde kamers en ons fantastiese ontbyte. Dubbelkamers, enkelkamers en selfsorg eenhede is beskikbaar.

Ons voorsien die perfekte vertrekpunt vir reisigers wat die wonders van die Okhahlamba Wêreld-erfenisgebied wil verken. Die Drakensberge se kombers wissel na gelang van die seisoen: warm kleure gedurende die herfs, wit sneeuspitse in die winter, 'n ontploffing van helder groen gedurende lente en wonderskoon in die somer.

Die restaurante in die Sentrale Berg sal jou betower met fantastiese kos en wyn! Stap in die kloof of enige van die ander staproeters in die berg. Vaar vroegoggend in 'n warmlugballon, bespreek 'n rit in 'n helikopter, doen 'n "canopy tour" of bespreek 'n begeleide toer na een van die ongelooflikste rotstekeninge in Suid-Afrika. Sluit aan by 'n wildrit in die Spioenkop Natuurreservaat of besoek een van die vele Boere-oorlogterreine in die omgewing ... die lys doendinge is eindeloos!

Bly by ons en laat die berg jou betower!