L'Bloom Country House

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Langs Winterhoekweg, De Oude Drostdy Plaas, Tulbagh, 6820, Wes-Kaap
Vanaf R3 400 per nag, vir 6 mense

Beskrywing

L'Bloom Country House word omring deur bome op 'n werkende vrugteplaas en is 'n lieflike selfsorghuis vir 6 mense in Tulbagh.

Die ruim huis bied 3 slaapkamers met lugversorging, 'n moderne kombuis, 'n eetarea en sitkamer. Die hoofslaapkamer lei na die tuin en is ingerig met 'n koningingrootte-bed en ondervloerse verhitting, 'n instapkas en 'n en suite-badkamer met 'n bad, 'n stort en 'n toilet. Die tweede slaapkamer is ingerig met 2 driekwartbeddens, en die derde het 'n stapelbed. Die 2 kamers deel die gebruik van 'n badkamer met 'n bad, 'n stort en 'n toilet. Gerieflikheidshalwe word linne en handdoeke voorsien.

Die kombuis is volledig toegerus met 'n induksiestoof, 'n oond, 'n mikrogolfoond, 'n yskas, asook tee- en koffiemaakgeriewe. 'n Skottelgoedwasser en 'n wasmasjien is ook beskikbaar vir gaste om te gebruik. Koffie, tee, suiker en melk word voorsien

Gaste kan hul maaltye geniet by die etenstafel wat oor die tuin en berge uitkyk, ontspan in die sitkamer wat toegerus is met 'n TV met sekere DStv-kanale, of voor die binnebraai-area. Gaste moet asseblief eie vuurmaakhout saambring; vuurmaakhout kan ook op versoek gereël word teen 'n ekstra koste. Daar is 'n eerlikheidswinkel in die huis waar gaste produkte, drankies en hout kan koop.

Die huis het 'n wonderlike omheinde tuin vir kinders om in te speel, 'n ritslyn, sandput, 'n alarmstelsel en 'n elektriese hek vir beheerde toegang. Gaste is welkom om hul fietse saam te bring om te verken en hengeltoerusting om in die nabygeleë dam te hengel.

L'Bloom Country House is net 3 minute vanaf Tulbagh. Die historiese dorpie bied verskeie doendinge soos wynproe by die nabygeleë wynlandgoedere en wingerde, stap, voetslaan, bergfietsry, en perdryroetes.

Kry ’n Kwotasie