Lekkerkry Game Farm

Wildsplaas

Langtermynverblyf-aanbod 25% af

Kry 25% af vir verblyf wat 6 nagte of langer is. Hierdie aanbod is altyd geldig.

Kapasiteit: 16 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Rhenosterfontein, Fochville, 2512, Gauteng
Vanaf ~~R5 500~~ R4 125 per nag, vir 16 mense

Beskrywing

Lekkerkry Game Farm bied gerieflike akkommodasie in die beeldskone bosveld met verskeie wildsoorte wat vrylik rondloop. Die wildplaas is sentraal geleë 80 km van Johannesburg af, 40 km van Potchefstroom af, 50 km van die Vaal Driehoek af en 30 km van Parys af.

Die stylvolle grasdakhuis beskik oor 4 slaapkamers; 2 hoofslaapkamers wat elk 'n dubbelbed en 'n en suite-badkamer het, 'n derde slaapkamer met 'n dubbelbed en 'n enkelbed, en 'n vierde slaapkamer met 'n dubbelbed. Die solderarea het enkelbeddens en dien as 'n vyfde slaaparea vir 'n paartjie of kinders. Daar is ook 'n ruim, gedeelde badkamer en 'n gaste-toilet. Die huis beskik ook oor 'n oopplan-kombuis en -leefarea. Die kombuis is volledig toegerus met eetgerei, 'n stoof, 'n yskas en 'n mikrogolfoond. Die leefarea het gemaklike rusbanke, 'n ingeboude kaggel en 'n TV met DStv. Daar is 'n groot leefarea en 'n groot stoep met pragtige uitsigte oor die omliggende bosveld. Buite is daar 'n boma waar gaste lekker in die bosveld kan ontspan en daar is 'n swembad waarin gaste kan afkoel.

Aktiwitetie op die plaas sluit wildritte, voetslaan en bergfietsry in. Die wildsoorte op die plaas sluit koedoes, blouwildebeeste,waterbokke, elande, rooibokke, springbokke, rooihartbeeste, njala's, sebra's, kameelperde, gemsbokke, swartwitpense, wilde bokke, waterbokke en daar is selfs 'n paar apies en bosvarke.

Parys en die Vredefort Koepel met sy interessante winkels, restaurante en kroeë is net 20 minute se ry weg.

Fochville het van die beste inkopieplekke in die land en is net 13 km vanaf die verblyf.

Kry ’n Kwotasie