Lewens-Essens B&B on C

B&B

Kapasiteit: 4 persone
Geen kinders
Inkloktyd: 14:00 tot 19:00
Uitkloktyd: 10:00
Adres: Lutie Katz-straat 75, Yzerfontein, 7351, Wes-Kaap
Vanaf R1 400 per nag, vir 2 mense

Beskrywing

Lewens-Essens B&B on C is in die dorpie Yzerfontein, 'n 'n juweel aan die Weskus. Die 180º-uitsig en die sonsondergange is asemrowend. Dié B&B is aan die seefront, minder as 20 m van die rotse en die see af en al die kamers het pragtige uitsigte.

C-Gull is op die grondverdieping. Dié kamer het sy eie ingang en 'n skuifdeur wat oopmaak op 'n privaat patio met stoele, tafel en sambreel. Dit het 'n koningingrootte-bed en 'n en suite-badkamer met 'n stort. Elke kamer het 'n TV met die volle DStv-pakket, gratis WiFi-toegang, haardroër, mikrogolfoond, eetgerei, breekware en koffie- en teemaakgeriewe. 'n Daaglikse skoonmaakdiens word voorsien.

Master Bedroom is ingerig vir gaste wat op soek is na luukse en gerief. Dié kamer het 'n koninggrootte-bed en 'n en suite-badkamer met 'n ekstra groot stort en dubbelwasbak. Skuifdeure lei na die balkon. Die volgende geriewe is beskikbaar: 'n TV met volledige DStv, gratis WiFi, haardroër, mikrogolf, eetgerei, breekware, en koffie- en teemaakgeriewe. 'n Daaglikse skoonmaakdiens is ingesluit.

Verken die kus al langs die wit strande, sluit aan by 'n bootvaart na Dasseneiland, of geniet die seelewe in die rotspoele. Aangesien hier geen straatligte is nie, is die maanlig werklik iets om te beleef. Die staproete loop voor die huis verby al langs die see, die fynbos en die blomme.

Kry ’n Kwotasie