Lewensdroom Game Farm and Lodge

Wildsplaas

Kapasiteit: 30 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: D180, Bela-Bela, 0480, Limpopo
Vanaf R11 400 per nag, vir 30 mense

Beskrywing

Lewensdroom Game Farm and Lodge is op 'n werkende plaas in 'n privaat, stil en veilige area in die vallei aan die voet van die Waterberge, 28 km buite Bela-Bela. Dit is die ideale wegbreek vir groepe vriende en familie wat lekker en privaat wil kuier.

Die lodge het 'n groot, gemeenskaplike oopplan-leefarea met 'n toegeruste kombuis, sitarea met 'n TV met DStv, eetarea, pooltafel en 'n groot kroegarea. Die kombuis het 'n gasstoof met ‘n elektriese oond, 'n kookplaat ideaal vir heerlike ontbyt, 'n yskas-vrieskas, mikrogolf, tee- en koffiemaakgeriewe, eetgerei en breekware toegerus. Daar is ook 'n ingeboude braai met spitbraai, roosters en groot, swart potte.

Net buite die lodge is daar 9 en-suite slaapkamers.
Daar is 3 ruim gesinskamers elk met ‘n koningingrootte-bed en 4 driekwartbeddens wat slaapplek aan 6 gaste per kamer bied. Elke kamer is en-suite met sy eie stort, toilet en wasbak. Daar is ook 6 en suite-slaapkamers met slegs koningingrootte-beddens. Die lodge voorsien ook elke gas van ‘n badhandoek. Daar is ook ‘n raadsaal met ‘n TV wat gebruik word vir vergaderings. Verder is daar 'n speelarea vir kinders met tafeltennis en ander speletjies. Die lodge is geskik vir 30 gaste, maar kan op versoek verblyf aan 40 gaste in tente wat opgeslaan kan word, bied. Daar is ook matrassies vir die kinders wat by hul ouers wil slaap. Daar is 'n groot boma-area waar gaste in die aand kan kuier, 'n groot swembad en 'n trampolien en klimraam vir kinders.

Gaste kan die plaas verken te voet of fiets. Daar is ook ’n wildkykmotor wat bespreek kan word, sowel as ‘n springkasteel vir die kinders. Die plaas het 'n oorvloed van wild en voëllewe wat goue wildebeeste en impala insluit. Hengelaars kan visvang in die plaas se privaat plaasdam op 'n vang-en-vrylaat-basis. Daar is karpe, baars, verskeie spesie kurpers. Die dam spog ook met 'n lapa met braai geriewe. Gaste kan die dam te voet verken, swem of roei met enige van die roeibote. Reddingsbaadjies word ook voorsien.

Ys en ekstra vuurmaakhout kan op die plaas gekoop word.

Lewensdroom is ideaal vir enige groep wat gehaltetyd saam wil spandeer sonder enige steurnis van enigiemand, anders as die werkers wat twee keer per dag algemene skoonmaak doen en skottelgoed was.

Kry ’n Kwotasie