Lily's Cottage

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Khorshedweg 14, Malvern, Queensburgh, Durban, 4093, KwaZulu-Natal
Vanaf R880 per nag (plek vir 2)

Beskrywing

Lily's Cottage is in Queensburgh geleë, ’n rustige voorstad van Durban, en is ideaal vir diegene wat op soek is na gerieflike verblyf naby geriewe.

Lily’s Cottage beskik oor 2 eenhede wat saam of afsonderlik bespreek kan word. Die 2-slaapkamerwoonstel met slaapplek vir 4 volwassenes, 2 kinders en 1 baba onder 1 jaar het 2 slaapkamers met lugversorging en 1 badkamer. Die eerste slaapkamer het 'n koninggrootte-bed wat in 2 enkelbeddens omskep kan word, en 'n driekwart-bed. Die tweede slaapkamer het 'n dubbelbed. Die badkamer het 'n stort, bad en 'n wasbak. Daar is ook 'n aparte toilet en wasbak.

Die kombuis is goed toegerus met 'n yskas-vrieskas, mikrogolf, stoof, oond, eetgerei, breekware en ingeboude kaste. Daar is 'n instapspens en ontbythoekie langs die kombuis. Verder is daar 'n etenstafel met stoele in die area tussen die sitarea en slaapkamers. Die sitarea het ook 'n TV met sekere DStv-kanale en daar is 'n toegeboude balkon met gemaklike rusbanke en 'n uitsig oor die swembad.

Die ateljeewoonstel met 'n swembad-uitsig is vir 2 volwassenes en 'n baba onder 1 jaar geskik. Dit beskik oor 'n semi-selsorgkombuisie sonder 'n stoof. Die eenheid het 'n koninggrootte-bed of 2 enkelbeddens, 'n bababedjie op versoek en 'n en suite-badkamer met 'n stort, bad, toilet en 'n wasbak. Ander geriewe sluit 'n TV met DStv, WiFi, 'n sitarea met 'n tafeltjie, 'n skootrekenaartafel, lugversorging en 'n privaat stoep in.

Geriewe op die perseel sluit 'n swembad, parkeerplek en braai-area in.

Lily's Cottage is 20 km vanaf Durban se hoofstrande, uShaka Marine World, Moses Mabhida-stadion, Kingspark Rugbystadion, Kingsmead Krieketstadion, hospitale, KZN Universiteit, Durban Botaniese Tuin en rolbalbane. Dit is ook net 2 km vanaf 2 nabygeleë winkelsentrums. Vervoer- en kosafleweringsdienste is in die area beskikbaar Aktiwiteite in die omgewing sluit Bunny Zone, Bean Hunters-koffiewinkel, strandsport, fietsrybaan, voëlkyk, wildkyk, begeleide voetslaanroetes, bergfietsry en tennis in.

Kry ’n Kwotasie