Lindanda Luxury Lodge

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Hoedspruit Wildlandgoed 234, Hoedspruit, 1380, Limpopo
Vanaf R4 700 per nag (plek vir 8)

Beskrywing

Lindanda Luxury Lodge is 'n selfsorghuis op die prentjiemooi Hoedspruit Wildlandgoed. Die lodge is 'n kort entjie se ry van die pragtige Panoramaroete en Krugerwildtuin af. Die huis beskik oor 4 en suite-slaapkamers, 'n oopplan-kombuis, sitarea en 'n buite-area met 'n privaat swembad en buite-kookarea. Gaste sal daagliks wild, soos koedoes, kameelperde, rooibokke en vlakvarke sien verby loop.

Elke slaapkamer het sy eie diertema: leeu, buffel, renoster en olifant. Die hoof- en tweede slaapkamer het elkeen 'n 'n koninggrootte-bed en die derde en vierde slaapkamer het elkeen 'n koningingrootte-bed. Elke slaapkamer het 'n en suite-badkamer met 'n stort, wasbak en 'n toilet. Luukse katoenhanddoeke en -linne word voorsien. Daar is 'n skakeldeur wat 2 kamers verbind, maar die deur kan gesluit word om 2 privaat kamers te skep. Elke kamer het genoeg kasruimte, bedlampies, lampe, lugversorging en vensters met muskietnette.

Die oopplan-kombuis is goed toegerus en sluit die nodige kooktoebehore in om maaltye mee voor te berei. Die sitarea het 'n TV met sekere DStv-kanale en die leefarea lei na 'n stoep met 'n uitsig oor die braai-area, verhitte plonspoel en sonstoele.

Die huis het ook gratis WiFi en veilige parkeerplek vir voertuie. Gaste kan saans onder die sterre op die oop vuur kook en na die geluide van Afrika luister.

Kry ’n Kwotasie