Little Farm

Gastehuis

Gratis kansellasie tot 1 week voor jou verblyf!
Kapasiteit: 5 persone
Geen kinders onder 16
Inkloktyd: 14:00 tot 19:00
Uitkloktyd: 11:00
Adres: Wineacres-rylaan 16, Raithby, 7139, Wes-Kaap
Vanaf R1 950 per nag (plek vir 2)

Beskrywing

Little Farm bied lieflike oornagverblyf in 'n 2 ha-fynbostuin in Raithby, wat tussen Somerset-Wes en Stellenbosch geleë is. Die verblyf bied ononderbroke uitsigte op die majestueuse berge en is ideaal vir gaste wat op soek is na 'n wegbreek in 'n rustige omgewing.

Little Farm Flat is op die boonste verdieping en bied slaapplek aan 3 gaste. Dit het 'n privaat ingang, 'n koningingrootte-bed met 'n muskietnet en 'n en suite-badkamer met 'n bad, stort, toilet en 2 wasbakke. Die kombuisie is met 'n yskassie, oondjie, broodrooster, basiese eetgerei en breekware, en tee- en koffiemaakgeriewe toegerus. Daar is ook 'n klein etenstafel met stoele, 'n enkelslaapbank, 'n platskerm-TV en gratis WiFi. Buite is daar 'n dek met 2 stoele en berguitsigte.

Die King Room Suite is op die onderste verdieping geleë en bied slaapplek aan 2 gaste. Dit het 'n koninggrootte-bed met 'n muskietnet, 2 stoele en 'n en suite-badkamer met 'n bad, toilet en 'n wasbak. Daar is 'n aparte kombuis met 'n tweeplaatgasstoof, mikrogolfoond, lugbraaier, potte, panne, breekware en eetgerei. Die klein eetarea het 'n tafel met 2 stoele. Daar is ook 'n klein, privaat stoep met asemrowende uitsigte.

Albei eenhede bied toegang tot 'n inheemse tuin en 'n soutwaterswembad. Daar is ook meubels en 'n gasbraai beskikbaar. Veilige, oop parkeerplek is op die perseel beskikbaar.

Kry ’n Kwotasie