Little Sanctuary

Selfsorg

Langtermynverblyf-aanbod 15% af

Kry 15% af vir verblyf wat 5 nagte of langer is. Hierdie aanbod is altyd geldig.

Kapasiteit: 8 persone
Geen kinders
Inkloktyd: 14:00 tot 18:00
Uitkloktyd: 10:00
Adres: Uitvluchtstraat 27, Bergsig, Montagu, 6270, Wes-Kaap
Vanaf ~~R1 950~~ R1 658 per nag (plek vir 2)

Beskrywing

Little Sanctuary is in die hartjie van die Montaguberge, 'n paar kilometer buite die middedorp en langs die gewilde warmwaterbronne, geleë. Dis op 'n privaat landgoed van 2,5 hektaar in 'n rustige omgewing en dis die ideale plek vir 'n romantiese of rustige wegbreek.

Little Sanctuary bied selfsorgverblyf in 4 luukse woonstelle en 'n bekoorlike bergkothuis, Eagle's Nest.

Die luukse woonstelle het elkeen 'n volledige kombuis, aparte sitkamer, 'n pragtige slaapkamer en 'n badkamer met 'n spa-bad en 'n stoomstort. Die woonstelle het elkeen 'n TV met sekere DStv-kanale en tee- en koffiemaakgeriewe.

Die Eagle's Nest-kothuis is klein, maar het 'n pragtige uitsig en beskik oor 'n oopplan-slaapkamer met 'n klein sit- en eetarea, 'n kombuisie en 'n klein badkamer met 'n stort. Dis ideaal vir diegene wat lief is vir die natuur, maar steeds op soek is na gerieflike verblyf. Die kothuis het 'n slim-TV met sekere DStv-kanale. Let daarop dat as gevolg van die kothuis se ligging teen die berge dit met 'n kliptrap bereik word.

Little Sanctuary het 2 privaat swembaddens met asemrowende uitsigte oor die vallei. Gaan besoek die gewilde warmwaterbronne in die winter wat net 2 minute se stap ver is. 'n Wasgoeddiens is beskikbaar vir langer verblyf.

Kry ’n Kwotasie