Living Water

Selfsorg

Kapasiteit: 5 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Nic Tredoux 5, Jacobsbaai, 7380, Wes-Kaap
Vanaf R2 000 per nag, vir 5 mense

Beskrywing

Living Water is 'n selfsorgwoonstel wat alles het wat jy nodig het vir 'n strandvakansie: 'n ligging teen die water met direkte toegang tot die baai, asemrowende uitsigte oor die oseaan en sonsondergange, oop ruimtes, en afwerkings en geriewe van goeie gehalte.

Hierdie woonstel op die eerste verdieping is ideaal vir 'n paartjie, maar kan met 'n ekstra kamer op die grondvloer skakel om slaapplek vir nog 3 gaste te bied. Die derde bed is 'n kort bedjie en is geskik vir 'n gas van 1,5 meter. Die woonstel is vas aan die eienaar se huis, maar het privaat toegang.

Jean, die eienaar, het sorgvuldig die droomhuis beplan en ontwerp en jy sal die unieke stempel in die pragtige Oregon-dennehoutdeure, handgemaakte en antieke ligte en unieke afwerkings sien. Klassieke en moderne style is gekombineer om 'n gesellige atmosfeer te skep.

Die hoofwoonstel is op die eerste verdieping en kan met 'n stel trappe van buite af bereik word. Die vrolike kombuisie 'Café Cubana' is met sy rooi yskas volledig toegerus vir kreatiewe kokke. 'n Mikrogolf, tweeplaatstoof, oond en wasmasjien is ingesluit. Tee, koffie, beskuit en opwaslappies word voorsien.

Gaste sal behoorlik kan rus op die groot oopplan-slaapkamer se koninggrootte-bed met 'n donsveerduvet, luukse perkallinne en badhanddoeke. Daar is 'n diep bad of verfrissende stort met 'n uitsig. Dubbelglasdeure lei na 'n groot balkon met 'n stoeptafel en stoele waar gaste die asemrowende uitsigte oor die baai en see kan bewonder en snags die gebrul van die branders sal kan hoor.

Die grondvloerkamer is slegs by die bespreking ingesluit indien 'n bespreking vir meer as 2 gaste gemaak word. Hierdie kamer skakel met die eerste kamer met 'n binnetrap wat na die kombuis lei. Gaste kan kies tussen 'n koninggrootte-bed of 2 enkelbeddens en 'n derde bed wat geskik is vir 'n kind van 1,5 meter. Hierdie kamer het 'n groot oopplan-glasstort, wasbak en aparte toilet. Dit lei na 'n stoep en grasperk met buitebraaigeriewe, asemrowende see-uitsigte en 'n tuinhekkie wat na die strand lei.

Die huis maak van sonkrag gebruik en word nie deur beurtkrag geraak nie. WiFi is beskikbaar. Gaste kan die dubbel- en enkelkajak, roeispane en reddingsbaadjies gebruik om die baai te verken.

Kry ’n Kwotasie

Kamer-opset

Slaapplek vir 5 mense • 2 Slaapkamers • 2 Badkamers, 2 en suite

Slaapkamer

En suite

1 x Koninggrootte-bed

Stort, Bad, Toilet

Slaapkamer

En suite

2 x Enkelbed / Driekwartbed

1 x Kinderbed vir 1

Stort, Toilet

Dít is wat jy hier sal kry

Gratis, veilige parkeerplek

WiFi

Volledige kombuis

Braai

Resensies

5/ 5

Gebaseer op 58 resensies

Ongelooflik

Netheid

5.0

Ligging

5.0

Waarde vir geld

4.9

Diens

4.9

Veiligheid

4.9

Gaste se hoogtepunte

Annelisa V

Saam met lewensmaat

5.0

Alles was net fantasties. Ons gasheer en gasvrou was baie vriendelik en het ons baie gemaklik laat voel. Dit is 'n pragtige plek met 'n wonderlike baa...

Sien meer

Des 2024

Gerhard K

Gesin met klein kinders

5.0

Ons het ons vakansie by Living Waters vreeslik geniet en beveel dit aan. Blyplek en ligging fantasties!

Nov 2024

Frans B

Gesin met tieners

5.0

Ongelooflik lekker! Ek kan hierdie akkommodasie met lof aanbeveel. Dit was ongelooflik lekker om hier tuis te gaan. Die eienaars het soveel moeite vir...

Sien meer

Okt 2024

Velma V

Saam met lewensmaat

5.0

So gou dit moontlik is, besoek ons Living Waters weer. Die gasheer en gasvrou het soveel moeite gedoen met die eenheid. Die detail wat met die eenheid...

Sien meer

Aug 2024

Hettie S

Saam met lewensmaat

5.0

Kos vir die siel. Uitstekende uitsig oor die baai, rustige omgewing, goed toegerus en voorsien in alle behoeftes.

Mei 2024

Sien al 58 resensies