Lofdal

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 22:00
Uitkloktyd: 09:00
Adres: Wilddogstraat 824, Marlothpark, 1321, Mpumalanga
Vanaf R950 per nag (plek vir 6)

Beskrywing

Lofdal is in Marlothpark en bied gehalteverblyf vir 'n gesin of 'n groep vriende. Dit is binne maklike bereik van die Krugerwildtuin en gaste kan gereelde besoeke van sebras, impalas, kameelperde, koedoes en nagapies verwag.

Lofdal beskik oor 2 ruim slaapkamers, elk met 'n dubbelbed en 'n enkelbed. Die kamers het ook 'n en suite-badkamer met 'n stort, toilet en 'n wasbak. Elke kamer het lugversorging en 'n plafonwaaier. Alle beddegoed is van 'n hoë gehalte en handdoeke word ook voorsien. Gaste moet asb. hulle eie swemhanddoeke saambring.

Die oopplan-kombuis is toegerus met 'n gasstoof, yskas, vrieskas, mikrogolfoond, tee- en koffiemaakgeriewe, eetgerei en breekware. Die nodige skoonmaakmiddels vir selfsorg is beskikbaar.

Die leefarea het groot vensters, gemaklike sitplek en 'n TV met DStv Compact-kanale. Gaste kan hulle eie DStv-dekodeerder, -slimkaart en -afstandbeheer saambring.

Die eenheid het 'n plonspoel, braaigeriewe en 'n boma.

Die huis is naby die Lionspruitgrens waar gaste gereeld leeus kan hoor brul.

Doendinge in die omgewing sluit bekostigbare wildritte in die dag en nag, die Krugerwildtuin, reistogte na Mosambiek, Swaziland, die Panoramaroete, Hazyview, God's Window, Bourke's Luck-kolkgate, die Mac-Mac-waterval, en wildeperde by Kaapschehoop in.

Kry ’n Kwotasie