Losgeboer

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoofstraat 78, Agulhas, 7285, Wes-Kaap
Vanaf R2 950 per nag (plek vir 10)

Beskrywing

Losgeboer bied selfsorgvakansieverblyf in die hartjie van Agulhas en bestaan uit 'n hoofhuis en 'n woonstel. Dit kan 'n goeie opsie wees vir 'n gesinswegbreek aan die kus van die Overberg aangesien dit ook net 'n entjie van die strand af is.

Dié eiendom kan altesaam 10 gaste op 'n slag akkommodeer en beskik oor 5 slaapkamers, 3 badkamers en 'n gastetoilet. Die hoofslaapkamer is ingerig met 'n dubbelbed en beskik oor 'n en suite-badkamer met 'n stort. Daar is nog 2 slaapkamers wat elk 'n dubbelbed het en nog 2 met 'n stapelbed in elk. Alle linne word voorsien; gaste moet egter hul eie handdoeke saambring.

Die hoofhuis se oopplan-leefarea beskik oor 'n kombuis wat toegerus is met 2 induksieplate, 'n mikrogolfoond, 'n yskas-vrieskas, eetgerei en breekware asook 'n skottelgoedwasser. Die woonstel se kombuis is toegerus met dieselfde toebehore behalwe dat dit 'n gasstoof het. Die hoofleefarea het 'n etenstafel waar gaste hul maaltye saam kan geniet. Vanuit hierdie eetarea lei 'n knus sitkamer met gemaklike sitplek. 'n Wasmasjien is ook beskikbaar.

Die hoofhuis en die woonstel het albei 'n binnebraai wat ideaal is vir die winter. Die hoofhuis het stapeldeure wat oopmaak op 'n sonnige patio met buitesitplek waar gaste met 'n skemerkelkie kan ontspan. Buitebraaigeriewe is ook beskikbaar.

Kry ’n Kwotasie