Magdamol Vakansie Huis

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Blombossingel 25, Witsand, 7349, Wes-Kaap
Vanaf R1 900 per nag (plek vir 6)

Beskrywing

Magdamol Vakansie Huis bied gerieflike selfsorgverblyf aan tot 6 volwassenes en 2 kinders in Witsand net 300 m vanaf die strand.

Die huis het 'n 180°-uitsig oor die see en beskik oor 3 slaapkamers, 2 badkamers, 'n kombuis, eetarea en 'n sitarea. Die hoofslaapkamer is op die eerste verdieping met 'n koningingrootte-bed en die tweede slaapkamer het 'n dubbelbed. Die derde slaapkamer het 'n dubbelbed en 'n stapelbed vir kinders. Die slaapkamers deel 'n badkamer met 'n stort, bidet en toilet. Die tweede buite-badkamer is op die onderste verdieping en het 'n stort. Linne en badhanddoeke word voorsien, maar gaste moet asb. hul eie swemhanddoeke bring.

Die oopplan-kombuis is met 'n skottelgoedwasser, 'n stoof, oond, mikrogolfoond, yskas, eetgerei en breekware, potte, panne en tee- en koffiemaakgeriewe toegerus. Gaste kan hul maaltye om die etenstafel geniet.

Verder kan gaste in die sitarea voor die TV met sekere DStv-kanale ontspan. WiFi is ongelukkig nie beskikbaar nie. Daar is 'n buitebraai op die grondverdieping.

Witsand bied visvang, walviskyk tussen Junie en November, swem, seilplankry, hengel vanaf die rotse en strand, snorkelduik en 4X4-roetes.

Troeteldiere word nie toegelaat nie.

Kry ’n Kwotasie