Main House

Selfsorg

Kapasiteit: 19 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Hoek van N2 en St. Francis-rylaan, Jeffreysbaai, 6330, Oos-Kaap
Vanaf R6 000 per nag (plek vir 19)

Beskrywing

Main House is 'n bekoorlike selfsorghuis op die Mentors Country Estate wat in 1990 gestig is en pragtig bo die dorpie Jeffreysbaai geleë is. Dit is ook gerieflik naby die N2-hoofweg by die Jeffreysbaai-afrit geleë.

Dié huis bied slaapplek aan 19 gaste en beskik oor 9 slaapkamers en 8 badkamers. Daar is 6 kamers met 2 enkelbeddens en 3 kamers met dubbelbeddens. Gaste in kamers 8 en 9 deel 'n badkamer met 'n stort en die ander 7 kamers het hul eie badkamers met 'n bad en/of stort toegerus is.

Daar is 'n ruim oopplan-leefarea met gemaklike sitplek, 'n TV, 'n kaggel, 'n etenstafel en 'n kombuis wat met 'n yskas-vrieskas, stoof, oond, mikrogolfoond en koffie- en teemaakgeriewe toegerus is. Die stoep bied 'n uitsig oor die plaas en braaigeriewe is ook beskikbaar. Die hekke en elektriese heining rondom die landgoed dra tot veiligheid by. Parkeerplek is op die perseel beskikbaar en daar is ook 'n gemeenskaplike swembad, 'n speelarea vir kinders en plaasdiere, ideaal vir gast emet kinders.

Mentors Country Estate is 2,4 km vanaf die Fountains Mall, en 6,6 km vanaf Dolfynstrand geleë. Die Jeffreysbaai Gholfklub en Jeffreysbaai Skulpmuseum is binne 5 km vanaf die verblyf.

Kry ’n Kwotasie