Makhato Lodge 48

Lodge

Kapasiteit: 8 persone
Alle ouderdomme is welkom
Inkloktyd: 14:00 tot 16:00
Uitkloktyd: 10:00
Adres: R516, Makhato Bush Lodge 48, Bela-Bela, 0480, Limpopo
Vanaf R3 500 per nag (plek vir 8)

Beskrywing

Makhato Lodge 48 is 'n pragtige vakansiehuis in die Sondela-natuurreservaat net buite Bela-Bela in Limpopo. Dit is 'n ideale opsie vir 'n groot gesin of 'n groep vriende aangesien Sondela talle aktiwiteite vir kinders en volwassenes het om die hele groep te vermaak.

Dié eiendom kan altesaam 8 gaste op 'n slag akkommodeer en beskik oor 4 en suite-slaapkamers asook 'n addisionele badkamer. Die eerste 2 slaapkamers is elk ingerig met 'n koninggrootte-bed, die derde slaapkamer het 2 enkelbeddens en die vierde slaapkamer het 'n koningingrootte-bed. Al 4 en suite-badkamers het 'n stort, bad, wasbak en toilet. Alle linne en badhanddoeke word voorsien; gaste moet egter hul eie swemhanddoeke saambring.

Die leefarea met Afrika-tema beskik oor 'n ruim kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware. Vir gaste se gerief is 'n wasmasjien en skottelgoedwasser in die opwaskamer beskikbaar. Die knus sitkamer het gemaklike sitplek en 'n platskerm-TV met 'n volledige verskeidenheid DStv-kanale.

Boonop is daar 'n binnenshuise vermaakarea met 'n etenstafel, 'n kroeg, 'n gasbraaier asook 'n ingeboude braai wat die perfekte plek is vir gaste om gehaltetyd saam deur te bring. Gaste het volle toegang tot die reservaat se geriewe wat restaurante, 'n kroeg, perdry, wildritte, 'n gemeenskaplike swembad en vierwielmotorfietsry insluit.

Kry ’n Kwotasie