Makhato Lodge 104

Beskrywing

Makhato Lodge 104 is ’n dubbelverdieping-selfsorglodge in die Sondela Natuurreservaat naby Bela-Bela. Hierdie reservaat is in Limpopo en is ’n privaat wildreservaat net 150 km vanaf Johannesburg. Hiér kan gaste die rustigheid van die bosveld geniet, sebras, koedoes, rooibokke en kampeelperde sien, asook voëlkyk geniet.

Lodge 104 bied verblyf aan 8 gaste en beskik oor 3 slaapkamers, ’n solderarea, 3 badkamers en ’n gastetoilet. Daar is ’n oopplan-kombuis, -opwaskamer, -eetarea en - leefarea. Die eerste slaapkamer het ’n dubbelbed en ’n volle en suite-badkamer met ’n bad en stort. Die tweede slaapkamer het ’n dubbelbed en die derde slaapkamer het 2 enkelbeddens. Hierdie 2 kamers deel ’n badkamer met ’n bad en stort. Daar is dakwaaiers in al die kamers.

Die solderkamer het 2 enkelbeddens, ’n leefarea, ingeboude kroeg en ’n badkamer met ’n bad en handstort. Die solder het skuifdeure wat na ’n onderdakbalkon lei waar daar ’n ingeboude braai en ’n etenstafel vir 8 gaste is.

Die kombuis is goed vir selfsorg toegerus met ’n stoof, oond, yskas-vrieskas, mikrogolfoond, toonbank en 2 stoeltjies. Die eetarea het ’n etenstafel vir 8 gaste. Die leefarea het gerieflike sitplek, ’n kaggel, dakwaaier en ’n platskerm-TV met sekere DStv-kanale. Buite is daar ’n braai-area met ’n ingeboude braai en ’n etenstafel vir 8 gaste.

Sondela bied ’n restaurant en kroeg op die perseel, sowel as ’n plaas-koffiewinkel. sowel as ’n algemene handelaar vir basiese behoeftes, ’n gemeenskaplike swembad, ’n wildlewe-sentrum en Iketla Wellness and Spa. Daar is verskeie doendinge om gaste besig te hou, insluitend, wildritte, perdry, fietse wat te huur is, ’n 4x4-hindernisbaan en begeleide vierwielritte.