Malmane Eye Private Nature Retreat

Selfsorg

Op die Nippertjie-aanbod 20% af

Kry 20% af op alle besprekings wat 1 dag of minder voor jou verblyf gemaak word. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 14 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Kaalplaats Plaas, Langs die R505, Ottoshoop, 2740, Noordwes
Vanaf ~~R8 200~~ R6 560 per nag, vir 14 mense

Beskrywing

Malmane Eye Private Nature Retreat is op 'n plaas tussen Lichtenburg en Ottoshoop geleë en bied slaapplek aan 12 tot 14 gaste. Dis die perfekte plek om in die rustige natuur te ontspan.

Die chalet, Moonstone, is ideaal vir 2 volwassenes en het 'n koningingrootte-bed en 'n privaat badkamer met 'n stort en 'n losstaande bad met 'n uitsig oor die wilgerbome en water. Daar is ook 'n plafonwaaier, verwarmer, elektriese kombers, yskas, tee- en koffiemaakgeriewe en 'n TV met 'n hardeskyf vol flieks en reekse.

Diamond Luxury Lodge Tent het 'n koningingrootte-bed met 'n pragtige uitsig oor die water. Die tent kan ook 2 kinders op 2 enkelbeddens akkommodeer. Daar is 'n waaier, tee- en koffiemaakgeriewe, 'n elektriese kombers en 'n verwarmer.

Die kuierlapa langsaan beskik oor 'n semi-privaat solder, Ruby, wat 'n dubbelbed en 'n uitvoubank in die gemeenskaplike area het, wat kinders kan akkommodeer. Die lapa het ook 2 badkamers, waarvan een 'n stort en 'n toilet het, en die ander een 'n gastetoilet is. Daar is ook 'n waaier, verwarmer en elektriese komberse.

Daar is ook 3 seiltente agter die lapa. Die Sapphire-tent het 'n koningingrootte-bed en die Emerald- en Amethyst-tent het elk 2 enkelbeddens. Dié tent bied saam slaapplek aan 6 gaste. Gase het toegang tot hulle eie badkamer en elke tent het elektriese komberse, waaiers en 'n uitsig oor die lowerryke bome en water.

Die lapa spog met 'n uitsig oor die water en beskik oor 'n kroeg met sitplek vir 10 en 'n kombuis met 'n yskas, vrieskas, gasstoof, oond, mikrogolfoond, ysmasjien en tee- en koffiemaakgeriewe. Daar is ook 'n leefarea met 'n Bluetooth-klankbalk en 'n platskerm-TV met 'n Android TV-stokkie wat gebruik kan word om films of reekse te stroom. Netflix, Plex en YouTube is gratis beskikbaar indien gaste met hulle eie besonderhede by DStv Now en Showmax kan inteken. Daar is ook binne- en buitebraaigeriewe, 3-beenswartpotte en braairoosters. Die lapa lei na 'n stoep met 'n uitsig oor die bome en water. Gratis WiFi word voorsien.

Aktiwiteite op die perseel sluit swem, kanovaar, roei, 'n trampolien en 'n veerpyltjiebord in, asook 1 bergfietse wat teen 'n ekstra koste per fiets beskikbaar is. Gaste kan ook visvang, maar hulle moet hul eie toerusting saambring.

Die Jacuzzi het sitplek vir 6 en met 'n skemerkelkie in die hand is dit wonderlik ná 'n swem in die rivier.

Die plaas bied fietsry, staproetes, visvang, kanovaar en sterrekyk. Daar is ook 'n klomp bome, pragtige groen gras en meer as 75 voëlspesies.

Kry ’n Kwotasie