Malmesbury Selfsorg

Selfsorg

Langtermynverblyf-aanbod 20% af

Kry 20% af vir verblyf wat 30 nagte of langer is. Hierdie aanbod is altyd geldig.

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Pleinstraat 19, Malmesbury, 7300, Wes-Kaap
Vanaf ~~R1 750~~ R1 400 per nag (plek vir 4)

Beskrywing

Malmesbury Selfsorg bied selfsorgverblyf in 'n dubbelverdiepinghuis wat gerieflik in Malmesbury geleë is, binne maklike bereik van plaaslike geriewe en besienswaardighede.

Die huis bied gerieflike slaapplek aan 4 gaste en beskik oor 2 slaapkamers, elk met 'n en suite-badkamer, op die eerste verdieping. Die hoofslaapkamer maak oop op die balkon en is ingerig met 'n koningingrootte-bed, terwyl sy en suite-badkamer met 'n instapstort toegerus is. Die tweede slaapkamer het 2 enkelbeddens en het 'n en suite-badkamer met 'n stort.

Die oopplan-kombuis is goed toegerus met 'n yskas-vrieskas, mikrogolf, skottelgoedwasser, wasmasjien, ysmasjien en 'n oond met 'n 4-plaat elektriese stoof asook 'n 4 plaat gas stoof.

Die leefarea beskik oor 'n etenstafel, 'n gemaklike sitkamerstel en 'n TV met volledige DSt en Showmax. Gaste het toegang tot gratis WiFi. Daar is 'n gastetoilet op die grondvloer. Die leefarea maak oop op die tuin waar gaste 'n swembad, braaigeriewe en 'n buite-etenstafel sal vind.

Die eiendom is ook toegerus met 'n alarmstelsel, diefwering voor die vensters, veiligheidshekke op die deure, en parkeerplek in 'n toesluitmotorhuis. Sonkrag verskaf elektrisiteit aan al die ligte en aan die meeste toestelle.

Gaste kan wynproe by die plaaslike wynkelders geniet en die pragtige besienswaardighede in en om Malmesbury verken. Ander doendinge sluit voetslaan en bergfietsry in.

Kry ’n Kwotasie