Beskrywing

Mamba Bush House is 'n moderne en gerieflike selfsorghuis vol luukse afwerkings in Marlothpark. Marlothpark is 'n wildbewaringsgebied en vakansiedorp teen die suidelike grens van die Krugerwildtuin. Marlothpark het sy eie wildspesies wat vrylik tussen die huise rondloop en gaste sal hulle gereeld sommer op die drumpel gewaar. Gaste sal koedoes, sebras, kameelperde, blouwildebeeste, njalas, rooibokke, vlakvarke en talle ander spesies sien. Buiten die wild het Marlothpark ook pragtige plantegroei. Daar is ook 'n verskeidenheid restaurante en 2 winkels waar selfsorggaste hul benodigdhede kan aanskaf. Marlothpark het ook al die basiese geriewe soos 'n hardewarewinkel, snuisterywinkel, slaghuis, drankwinkel en meer.

Die huis bied slaapplek aan 8 gaste en beskik oor 3 slaapkamers, 2 badkamers en 'n oopplan-kombuis, -eetarea en -leefarea. Daar is lugversorging. Die eerste slaapkamer het 'n koningingrootte-bed en 'n en suite-badkamer met 'n bad en stort, wat dit gerieflik maak vir mammas met kleuters. Die tweede slaapkamer het 'n koningingrootte-bed en die derde slaapkamer het 2 enkelbeddens. Hierdie twee slaapkamers deel 'n badkamer met 'n stort, toilet en wasbak.

Die kombuis is goed toegerus met 'n stoof, oond, mikrogolf, ketel, broodrooster en opwasarea met 'n diepvrieskas, yskas, skottelgoedwasser en wasmasjien. Die sitarea het 'n platskerm-TV en 'n gemaklike slaapbank wat slaapplek bied aan 2 addisionele gaste.

Skuifdeure lei na 'n onderdakstoep met 'n piekniekbankie. Daar is ook 'n skitterende swembad en 'n groot boma met 'n vuurput. Die kuierarea is privaat en bied 'n uitsig oor die park wat 'n ware bosveld-ervaring verseker. 'n Vakansie in Mamba Bush House is onvergeetlik en die omgewing laat gaste toe om baie diere te sien.

Aktiwiteite in en om die park sluit 'n bosontbyt, wildritte in Marlothpark en Leeuspruit sowel as die Krugerwildtuin in, asook nagritte in die Krugerwildtuin, tiervisvang in Komatipoort, vierwielmotorfietsritte, bergfietsroetes, restaurante, perdry en meer. Gaste kan ook reël om 'n potjie gholf te speel binne die Krugerwildtuin by Skukuza. Tussen Malelane en Komatipoort is daar 2 ingangshekke wat gaste kan gebruik om die Krugerwildtuin binne te gaan.