Manor Guest House Lydenburg

Gastehuis

Kapasiteit: 30 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 43 Viljoen Straat, Lydenburg, 1120, Mpumalanga
Vanaf R1 200 per nag (plek vir 2)
TGCSA-gradering:

Beskrywing

By die Manor Gastehuis, sal die bestuur en personeel jou verblyf onvergeetlik maak. Pragtige omgewing en professionele sorg verseker dat die Manor Gasthuis die primêre keuse vir oornag, sake- of vakansie-akkommodasie is. Ons bied uitstaande B&B-geriewe. Aandete is op versoek beskikbaar en ons is bekend vir uitstekende plattelandse kos.

Dié gastehuis het 'n warm, ontspanne atmosfeer met 'n gevoel vir geskiedenis, en ons intieme kroeg en sitkamer met oop kaggel sal jou gunsteling-ontspanplek wees op koue winternagte. Die Manor Gastehuis sorg vir spesiale geleenthede en het ook konferensiefasiliteite vir klein groepe.

Lyndenburg is op die platorand aan die begin van die Panoramaroete geleë en het baie om te bied, soos forelvang, voëlkyk, natuurreservate, stap, gholf, rolbal en muurbal. Vir 'n meer ontspanne uitstappie is daar 'n aantal goeie restaurante, museums en historiese monumente. Die area is malaria-vry.

Lydenburg is sentraal geleë en onderweg na die outydse visvangdorpie Dullstroom, die asemrowende Long Tom-pss, die pragtige watervalle en bosbou-dorp Sabie, die historiese goudmyn-dorp Pelgrimsrus, die pragtige uitsig van God's Window oor die Laeveld, en is slegs 'n halfuur se ry na die wêreldbekende Groot Vyf by die Krugerwildtuin.

Kry ’n Kwotasie