Marloth Kruger Little Manor

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Finchstraat 1529, Marlothpark, 1321, Mpumalanga
Vanaf R2 400 per nag (plek vir 6)

Beskrywing

Marloth Kruger Little Manor is 'n stylvolle vakansiehuis met Afrika-tema wat selfsorgverblyf bied in die Marloth Park-bewarea wat aan die Krugerwildtuin grens.

Die huis beskik oor 3 en suite-slaapkamers met lugversorging, 'n eet- en TV-sitarea, asook 'n volledig toegeruste moderne kombuis met alle toebehore.

Gaste kan ontspan in die lapa-area wat oor 'n swembad en braai-area langs parkgrond uitkyk. Diere soos kameelperde, koedoes, sebras, rooibokke en wildebeeste, muishonde en volstruise loop vrylik op jou voorstoep rond en bied die ideale Afrika-bosveldervaring. Die voëllewe is voortreflik met meer as 300 spesies wat in die area aangeteken is.

Die nabygeleë Krokodilrivier vorm die suidelike grens van die Krugerwildtuin met Marloth Park en gaste kan 'n skemerkelkie of piekniek geniet by verskeie uitkykpunte langs die oewer van die rivier. Die staproetes langs die Kruger wat oor die rivier uitkyk, bied dikwels uitstekende wildbesigtiging, insluitend die Groot Vyf, van binne in Marloth Park wanneer jy afkyk in die rivierbedding. Besoekers kan ook 'n daguitstappie na die Krugerwildtuin beplan met die Krokodilbrug en Malelane-hekke in die nabyheid.

Verskeie van die groter lodges in Marloth bedryf restaurante sodat jy kan uiteet sonder om die buurt te verlaat. Daar is ook ander geriewe sou die behoefte ontstaan soos OTM'e, 'n goed gevulde slaghuis, 'n supermark, wassery, hardewarewinkel en vele meer in die park.

Kry ’n Kwotasie