Marloth Kruger Whispering Ants

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Finchstraat 1533, Marloth Park, 1321, Mpumalanga
Vanaf R2 400 per nag (plek vir 6)

Beskrywing

Marloth Kruger Whispering Ants is 'n lieflike grasdak-vakansiehuis in die Marloth Park bewarea wat grens aan die Kurgerwildtuin. Dié twee word geskei deur die Krokodilrivier.

Die huis is ongekunsteld en smaakvol gemeubileer en bied volkome privaatheid en rustigheid aan gaste. Dit word omring deur die pragtige bosveld en volop diere en voëls.

Die huis het 3 en suite-slaapkamers, 'n ruim sitkamer, 'n oopplan-kombuis en TV-kamer. Die huis het ook 'n veranda aan die voorkant tesame met 'n swembad, ingeslote lapa en braaigeriewe. Die kombuis is goed toegerus vir selfsorg met 'n oond en stoof, mikrogolfoond, eetgerei en breekware.

Die huis is stapafstand van die Krokodilrivier af, waar gaste heerlik vanaf verskeie uitkykpunte oor die Krugerwildtuin kan tuur met 'n skemerkelkie in die hand. Of jy kan net al langs die rivier af stap en die oorvloedige voël- en dierelewe geniet. Jy mag dalk selfs een van die Groot 5 gewaar! Die Krokodilbrughek na die Kruger is ongeveer 14 km van Marloth Park af en gaste kan daguitstappies neem of 'n begeleide toer of staproete in die Krugerwildtuin meemaak. Gaste is ook welkom om op 'n begeleide toer of staproete in Marloth Park te gaan en meer te leer oor die geskiedenis van Marloth Park en die omliggende gebied.

Kry ’n Kwotasie