Matabanari Luxury Farm House

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Mooihoek Plaas, Platland-weg, Mooketsi, 0835, Limpopo
Vanaf R2 000 per nag, vir 6 mense

Beskrywing

Matabanari Luxury Farm House is 'n stylvolle en ruim selfsorgplaashuis wat op 'n plaas, omring deur hewels, in Mooihoek in die pragtige Mooketsi-vallei geleë is. Die plaas is net 4 km van die R36 af en 35 km vanaf Tzaneen wat dit die ideale basis maak vanwaar gaste besienswaardighede soos die Modjadji-broodboomwoud kan besoek. Die plaashuis is 'n gerieflike oornagbasis vir diegene wat op pad is na die beroemde Krugerwildtuin, Soutpansberg en Timbavati se privaat safari- en wild-lodges, Mpumalanga, Zimbabwe, Botswana of Mosambiek.

Die huis kyk uit oor avokado- en draakvrugboorde en bied prentjiemooi-uitsigte. Die plaas spog ook met 'n verskeidenheid voëlspesies, 'n pragtige omgewing en dis die tuiste van 'n manjifieke Nguni-trop. Verblyf by Matabanari is gewortel in 'n heilsame leefwyse, enig met die natuur en om 'n klein bietjie van die plaaslewe te ervaar in 'n huis wat toegerus is vir eenvoudige gerief en gemak. Verblyf op dié plaas is onvergeetlik danksy die jakkalse se roep en die krys van tarentale en fisante.

Die huis bied slaapplek aan tot 6 gaste en beskik oor 3 slaapkamers, 2 badkamers, 'n gaste-toilet, 'n groot plaaskombuis, eetkamer en 2 leefareas. Die eerste slaapkamer het 'n koningingrootte-bed en die tweede en derde slaapkamers het elk 2 enkelbeddens. Die badkamers het elkeen 'n stort, toilet en wasbak.

Die kombuis is toegerus met 'n stoof en oond, mikrogolf, ketel, broodrooster, yskas en 'n etenstafel en stoele met sitplek vir 4. Die eetkamer het 'n ronde etenstafel met sitplek vir 6 en daar is skuifdeure wat lei na buite. Die 2 leefareas het gemaklike sitplek en een van die leefareas het ook 'n ingeboude kroeg met stoeltjies. Die ander een het 'n kaggel. Gratis WiFi is beskikbaar. Buite is daar 'n swembad, grasdaklapa met sonstoele en buitemeubels waar maaltye geniet kan word. Die perseel is omhein.

Kry ’n Kwotasie