Maweni Lodge

Beskrywing

Maweni Lodge skuil tussen berge en is 25 km vanaf Queenstown in die Oos-Kaap. Die lodge lok menige gas met sy rustigheid, uitsigte en tuisgekookte maaltye. Dié verblyf is veral geskik vir groepe of gesinne wat doendinge soos voëlkyk, wildkyk, voetslaan en visvang geniet.

Daar is 5 individuele grasdak- en klip-chalets. Elke chalet is elegant gemeubileer en het slaapplek vir 2 gaste. Die chalets het ook TV's, yskassies en koffie- en teemaakgeriewe. Daar is elektriese komberse en olieverwarmers vir ysige winternagte. Elke chalet het ook sy eie stoep met 'n tafel en stoele, en word daagliks skoongemaak.

Die hooflodge het 'n gerieflike sitkamer, eetarea, ruim kroeg, gesellige stoep, swembad en heerlike tuin om in te ontspan.