Mayfair Luxury 212

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Oasis-laan, Mayfair Luxury 212, Century City, 7009, Wes-Kaap
Vanaf R2 500 per nag (plek vir 4)

Beskrywing

Mayfair Luxury 212 is 'n selfsorg-vakansiewoonstel in 'n eietydse styl wat in 'n veilige kompleks in die hartjie van Century City geleë is, naby Kaapstad se sakekern. Dit spog met pragtige dekor en uitsigte oor aangelegde tuine, wat dit 'n ideale opsie maak vir 'n rustige wegbreek van die werklikheid.

Dié woonstel het slaapplek vir altesaam 4 gaste op 'n slag en beskik oor 2 slaapkamers en 2 badkamers. Albei slaapkamers is ingerig met 2 enkelbeddens; net 1 van hierdie kamers beskik egter oor 'n en suite-badkamer met 'n stort, wasbak en toilet. Nog 'n stort is beskikbaar in die tweede badkamer. Alle linne en badhanddoeke word voorsien.

Die oopplan-leefarea met lugversorging beskik oor 'n stylvolle kombuis wat volledig toegerus is met 'n gasstoof, elektriese oond, mikrogolfoond, yskas-vrieskas, eetgerei en breekware asook 'n sentrale ontbyt-eiland met stoele. Daar is ook 'n koffiemasjien en 'n skottelgoedwasser beskikbaar. Van die kombuis af lei 'n knus sitkamer met gemaklike sitplek en 'n platskerm-TV. Vir diegene wat werk wil doen, is 'n lessenaar en gratis WiFi beskikbaar.

Deur die skuifdeure is daar 'n toegeboude patio met 'n etenstafel en 'n gasbraai wat die perfekte plek is vir 'n skemerkelkie in die aand. Hierdie patio het stapelglasdeure wat gaste kan oopmaak en vars lug kan inlaat en dit maak oop op 'n balkon.

Kry ’n Kwotasie