Meerkat Menice Moi Signature Luxury Home

Selfsorg

Gratis kansellasie tot 24 uur voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Plaas 534, Zebula Gold Estate & Spa, Bela-Bela, 0480, Limpopo
Vanaf R6 490 per nag (plek vir 10)

Beskrywing

Meerkat Menice Moi Signature Luxury Home is 'n selfsorgvakansiehuis op die Zebula Golf Estate and Spa. Zebula bied 'n gholfbaan, natuurreservaat en 'n gesondheidspa op 1600 hektaar se Afrika-bosveld in die skadu van die Waterberg.

Die pragtige huis bied slaapplek aan 8 volwassenes en 8 kinders en beskik oor 4 en suite-slaapkamers met lugversorging. Elke slaapkamer het 'n klein solder en dis ideaal vir kinders onder 12, aangesien hulle met 'n leertjie tot bo moet klim. Elke slaapkamer het 2 driekwartbeddens en 2 enkelmatrasse in die solder. Die en suite-badkamers het elkeen 'n bad en 'n stort.

Die oopplan-leefarea is op die grondverdieping en het 'n kombuis wat met 'n stoof, oond, mikrogolfoond en tee- en koffiemaakgeriewe toegerus is. Daar is ook 'n etenstafel en 'n toonbank. Die opwaskamer het 'n skottelgoedwasser, tuimeldroër en 'n wasmasjien. Die sitarea het gemaklike rusbanke en 'n TV met DStv.

Die groot stoep het 'n ingeboude braai en 'n boma waar gaste aande onder die sterre kan deurbring en in die Jacuzzi ontspan. Die boonste terras bied 'n mooi uitsig. Die huis het ook 'n swembad en 'n boma met 'n vuurput.

Gaste het toegang tot restaurante, speelareas vir kinders, bewareas en al die aktiwiteite op die Zebula Golf Estate and Spa. Gaste moet hotel- spa- en gholfgeriewe by die hotel bespreek en betaal. Winkels is beperk in dié omgewing, so gaste moet eerder hul inkopies in Bela-Bela doen.

Kry ’n Kwotasie