Mi Casa Selfsorg

Selfsorg

Gratis kansellasie tot 24 uur voor jou verblyf!
Kapasiteit: 8 persone
Geen kinders onder 4
Inkloktyd: 14:00 tot 20:00
Uitkloktyd: 10:00
Adres: Antunstraat 266, Sinoville, Pretoria, 0182, Gauteng
Vanaf R1 120 per nag, vir 2 mense

Beskrywing

Mi Casa Selfsorg bied verblyf in Sinoville in die noorde van Pretoria. Die 3 eenhede is deel van die hoofhuis maar het privaat ingange, badkamers, kombuisie en ander geriewe.

Die groot ateljee, Mi Casa, het 'n balkon en kan tot 4 volwassenes akkommodeer. Die slaapgeriewe bestaan uit 'n koningingrootte-bed en 'n dubbelslaapbank met 'n futon-matras. Die slaapbank is beter geskik vir kinders en jong volwassenes. Die volledige en suite-badkamer het 'n bad en stort. Neem asseblief kennis dat daar trappe is wat na die balkon lei.

Die eenheid beskik ook oor 'n kombuisie wat toegerus is met 'n tweeplaatstoof, yskassie en mikrogolf. Die sitarea het 'n TV met HD OpenView, maar ongelukkig geen DStv nie. 'n Veilige, onderdakparkeerplek word voorsien. Gaste het toegang tot die swembad en die tuin en die braai-area is op versoek beskikbaar.

Neem asseblief kennis dat alhoewel die eenheid aan die agterkant van die eiendom is, dit oorkant en langs 'n skool is, so sporadiese geraas kan gedurende werksure op sekere tye gedurende die week verwag word.

Die Buona Vista-eenheid is deel van die hoofhuis, maar het sy eie privaat stoep en 'n volledige badkamer met 'n bad en handstort. Die eenheid is aan die agterkant van die eiendom en het 'n uitsig oor die tuin. Gaste is welkom om die braaigeriewe te gebruik en jy is net 4 tree weg van die swembad af en het 'n tuin-uitsig. Onderdakparkeerplek is beskikbaar.

La Casetta is 'n bekoorlike eenheid met slaapplek vir 2 wat apart van die hoofhuis geleë is en het sy eie ingang asook parkeerplek. Die eenheid beskik ook oor 'n yskas-vrieskas, gasstoof en 'n lugbraaier.

Die tipiese voorstedelike area bied maklike toegang tot skole, kerke, winkelsentrums, restaurante, aftreeoorde en Wonderboom-lughawe asook Onderstepoort- en Montana-hospitale. Verwag asseblief sporadiese geraas. Die ligging is gerieflik vir toegang tot Limpopo en ander groot roetes soos die N1 en N4. Gaste kan kort uitstappies na die warmwaterbronne by Bela Bela, Dinokeng, oorde en wildreservate onderneem aangesien dit almal binne 1 uur se ry is.

Mi Casa kan ook langer verblyf verskaf vir sakegeleenthede waar spesiale tariewe geld en sekere skoonmaakdienste ingesluit kan word. Bespreek asseblief by die gasvrou.

Kry ’n Kwotasie