Milkwood Moon Hideaway

Selfsorg

Soos Gesien op Instagram
Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: Kingfisherlaan 51, Lake Brenton, Knynsa, 6570, Wes-Kaap
Vanaf R6 950 per nag (plek vir 6)

Beskrywing

Milkwood Moon Hideaway bied 'n unieke verblyfervaring op die rustige Lake Brenton-landgoed. Die landgoed spog met beskermde melkhout- en geelhoutbome, pragtige flora, diverse voëllewe, bosbokke en ander fassinerende wild op die perseel. Dit is langs Knysna se strandmeer geleë en is 'n natuurliefhebbersparadys.

Die rustieke huis bied slaapplek aan 6 gaste en beskik oor 3 slaapkamers. Die hoofslaapkamer het 'n koninggrootte-bed en 'n en suite-badkamer met 'n bad, stort en 'n toilet. Die tweede slaapkamer het 'n koningingrootte-bed en 'n en suite-badkamer met 'n stort, wasbak en 'n toilet. Die derde slaapkamer het 2 enkelbeddens en 'n en suite-badkamer met 'n stort en 'n toilet. Alle linne en badhanddoeke word voorsien.

Die ruim leefarea beskik oor 'n kombuis wat met 'n yskas, stoof, oond, mikrogolfoond, menger, eetgerei, breekware, koffie- en teemaakgeriewe en 'n toonbank met stoele toegerus is. Langs die kombuis is daar 'n etenstafel met sitplek vir 6 en 'n pragtige uitsig oor die welige tuin. Die sitarea het gemaklike rusbanke, 'n TV teen die muur en 'n kaggel. Gratis WiFi is ook beskikbaar.

Buite is daar 'n balkon met meubels en 'n asemrowende uitsig oor die meer, asook 'n dek met braaigeriewe en sitplek. Die eko-landgoed het 'n klubhuis met 'n gimnasium, sauna, tennisbane en 'n swembad wat gaste kan gebruik. Net 'n entjie verder is 'n paadjie wat na die strandmeer lei en dit is ideaal vir visvang, sweefski, kano- en bootvaart. Brenton-on-Sea is ook stapafstand vanaf die huis.

Kry ’n Kwotasie