Milkwood

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Njala 2920, Marlothpark, 1470, Mpumalanga
Vanaf R3 000 per nag (plek vir 6)

Beskrywing

Milkwood is 'n selfsorghuis in 'n pragtige bewarea op die grens van die Krugerwildtuin in Mpumalanga. Dis die ideale akkommodasie vir 'n groep vriende of familie wat in die stilte en rustigheid van die bos wil wegbreek en batterye herlaai. WiFi is beskikbaar.

Hierdie gerieflike huis beskik oor 3 slaapkamers en 3 badkamers, insluitend 'n buite-badkamer. Die kamers is opgemaak in ligte skakerings en toegerus met 'n dubbelbed of 2 enkelbeddens met badkamers wat 'n stort of 'n bad, 'n wasbak en 'n toilet het. Die kombuis, sitkamer en eetkamerarea is oopplan en die kombuis is ten volle toegerus sodat jy na hartelus kan bak en brou. Die kombuis het geriewe soos twee yskaste, 'n gasstoof, 'n skottelgoedwasser, 'n ysmasjien, 'n watersuiweraar, tee- en koffiemaakgeriewe en oorgenoeg ingeboude kaste vir enige breekware en eetgerei.

Die sitkamer bied gemaklike sitplek en 'n TV met OVHD waarmee gaste hul slimkaart en dekodeerder kan konnekteer. Die eetarea het 'n houttafel en -stoele. Die huis het ook lugversorging en 'n 12 volt-ligstelsel en 2500 liter water indien daar onderbrekings is. Gaste kan ook die beskutte stoep benut met 'n groot kuierdek met braaigeriewe. Op die grondvlak is daar 'n plonspoel om in af te koel in die warm somermaande wat vas is aan die dek.

Milkwood bied 'n enkelmotorhuis vir 1 voertuig en daar is ook 'n wasmasjien in die motorhuis. Van tyd tot tyd sal nagapies en duikers saans kom inloer, en soms sal 'n sebra ook 'n draai maak by die kombuis en skimp vir 'n wortel. Gaste sal bekoor word deur die verskeidenheid wildgeluide en 15 minute se ry weg, bied die Krugerwildtuin ook 'n magdom dinge om te sien en te doen.

Die eiendom maak van sonkrag tydens beurtkrag gebruik. Alles behalwe die lugversorgers kan gebruik word. Afhangende van sonskyn en jou gebruik sal die stelsel minstens 2, 5 uur hou.

Kry ’n Kwotasie