Misty Meadows

Selfsorg

Soos Gesien op Facebook
Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R540, Walkersons Private Estate, Dullstroom, 1110, Mpumalanga
Vanaf R9 500 per nag (plek vir 10)

Beskrywing

Misty Meadows is 'n selfsorghuis met 'n pragtige uitsig oor foreldamme op die privaat Walkersons Estate in die Dullstroom-vallei in Mpumalanga. Dullstroom is 'n natuurparadys en bied panoramiese uitsigte op die berge en oor die veldblomme. Dit spog ook met uitstekende restaurante, 'n boetiekbierbrouery en verskeie kultuurervaringe.

Dié lieflike tripelverdiepinghuis het slaapplek vir 10 gaste en beskik oor 5 luukse, ruim slaapkamers. Die hoofslaapkamer op die boonste verdieping spog met 'n pragtige uitsig op die omliggende berge en oor die woud en het 'n koninggrootte-bed, 'n sitarea en 'n oop en suite-badkamer met 'n bad, instapstort, dubbelwasbak en 'n toilet.

Die tweede slaapkamer op die middelste verdieping het 'n koninggrootte-bed en 'n en suite-badkamer met 'n bad en 'n instapstort. Die derde, vierde en vyfde slaapkamers het ook elkeen 'n koninggrootte-bed en hul eie en suite-badkamers met 'n bad of 'n stort.

Daar is 'n moderne oopplan-kombuis op die grondverdieping, asook 'n eetarea en 'n leefarea. Die kombuis is met 'n gasstoof, elektriese oond, 'n yskas-vrieskas, mikrogolfoond, ysmasjien, wynyskassie, eetgerei, breekware en tee- en koffiemaakgeriewe toegerus. 'n Skottelgoedwasser, wasmasjien en tuimeldroër is in 'n aparte opwasarea beskikbaar.

Die eetarea skakel aan die kombuis en het 'n etenstafel met sitplek vir 12 gaste en 'n hangende kaggel. Die sitarea het gemaklike sitplek asook 'n 75"-TV met die volle DStv-pakket en daar is gratis WiFi.

In die solder is nog 'n kuierarea wat 'n eetarea en 'n sitarea met 'n kroeg insluit. Daar is ook 'n gastebadkamer op hierdie verdieping wat 'n stort, wasbak en 'n toilet het. Op die onderste verdieping is daar stapeldeure wat oopskuif na 'n buitesitarea met 'n ingeboude braai.

Besienswaardighede in die area sluit die Dullstroom Natuurreservaat, die Verlorenvallei Natuurreservaat en die Dullstroom Roofvoël-rehabilitasiesentrum in.

Kry ’n Kwotasie