Beskrywing

Misty Orchards bied selfsorgverblyf op 'n werkende vrugteplaas genaamd Waboom Plaas. Dutoit Agri besit Waboom en is een van Suid-Afrika se grootste agri-vervaardigers. Die selfsorg gastehuis lê teen die skuinstes van die Outeniqua-berg en kry sy naam van die mis wat laatmiddag uit die woude en oor die berge kruip. Die mis voed die pragtige fynbos wat teen die berghelling groei, agter Misty Orchards. Dit is ideaal vir die vrugteboorde wat wegval voor die gastehuis, afgeëts teen 'n lieflike berg-uitsig.

Die gastehuis bestaan uit 3 slaapkamers, 2 badkamers en 'n oopplan-kombuis, -sitarea en -eetkamer. Twee van die kamers beskik elk oor 'n dubbelbed en die derde kamer het 2 enkelbeddens. Al die kamers het paneelverwarmers en waaiers. Die gedeelde badkamer het 'n bad en 'n stort. Alle beddegoed en handdoeke word voorsien en ekstra komberse is beskikbaar.

Die kombuis is met 'n yskas, stoof, oond, mikrogolf en tee- en koffiemaakgeriewe toegerus. Die eetkamer het 'n eetkamertafel met sitplek vir 8. Die knus leefarea het 'n gaskaggel vir koue winteraande. Ons gastehuis beskik oor oor onderdak braaigeriewe en al die nodige braai-toerusting en oorgenoeg hout.

Misty Orchards bied gaste vars berglug, lieflike wandelings en fietsrypaaie of bloot tyd om te ontspan by ons wegbreekplekkie in die berge.