Beskrywing

Misty Orchards bied selfsorgverblyf op 'n werkende vrugteplaas, Waboom Farm, wat deur Dutoit Agri een van Suid-Afrika se voorste landbouprodusente besit word. Die selfsorggastehuis lê teen die hange van die Outeniekwaberg, en kry sy naam aan die vars bergmis wat laatmiddag oor die Outeniekwa's kruip. Die mis voed die ongerepte fynbos op die bergwand agter Misty Orchards en is ideaal vir die vrugteboorde wat voor die gastehuis wegval teen 'n agtergrond van berguitsigte.

Die gastehuis beskik oor 3 slaapkamers, 2 badkamers en 'n oopplan-kombuis, -sitkamer en -eetarea. Twee van die slaapkamers is ingerig met 'n dubbelbed, en die derde kamer het 2 enkelbeddens. Al die kamers het paneelverwarmers en waaiers. Die gedeelde badkamer is toegerus met 'n bad en 'n stort. Alle beddegoed en handdoeke word voorsien, en ekstra komberse is beskikbaar.

Die kombuis is volledig toegerus vir selfsorg met 'n yskas, stoof, oond, mikrogolf en tee- en koffiemaakgeriewe. Daar is 'n 8-sitplek-eetkamertafel en -stoele in die eetarea. Die knus sitkamer het 'n gaskaggel vir daardie koue aande. Die gastehuis bied ook 'n onderdakbraai-area, met alle braaitoerusting en genoeg hout.

Misty Orchards bied aan gaste vars berglug, heerlike stap- en fietsroetes, of bloot tyd om na te dink en te ontspan by 'n magiese bergtoevlugsoord.