Sunset Villa Scarborough

Selfsorg

Kapasiteit: 9 persone
Alle ouderdomme is welkom
Inkloktyd: 16:00 tot 20:00
Uitkloktyd: 10:00
Adres: Mountain Rise 44, Scarborough, Kaapstad, 7975, Wes-Kaap
Vanaf R8 999 per nag (plek vir 9)

Beskrywing

Sunset Villa Scarborough bied selfsorgverblyf in Scarborough in Kaapstad. Dié eksklusiewe, gesinsvriendelike vakansiehuis het mooi see- en berg-uitsigte.

Dié huis het meer as 1 verdieping en is geskik vir 9 gaste. Daar is 4 slaapkamers en 2,5 badkamers. Die hoofslaapkamer het 'n koninggrootte-bed en 'n en suite-badkamer met 'n stort. Die kamer lei na 'n balkon met 'n uitsig oor Valsbaai. Die tweede slaapkamer het 'n koningingrootte-bed, die derde slaapkamer het 2 stapelbeddens en die vierde slaapkamer, wat aan die hoofslaapkamer skakel, het 'n enkelbed. Die tweede badkamer het 'n stort en bad.

Die kombuis is toegerus met toestelle om kos mee voor te berei en te kook. Die oopplan-leefarea het 'n etenstafel, banke en 'n kaggel. Daar is 2 stelle glasstapeldeure. Die eerste deur lei na 'n binnehof wat 'n berg-uitsig, braaigeriewe en stoepmeubels het. Dié area lei na 'n rotspoel, 'n water-glyplank vir kinders en 'n kinderspeelarea. Die tweede deur lei na 'n dek met 'n see-uitsig, stoepmeubels en 'n hangmat.

Daar is parkeerplek vir 1 of 2 voertuie voor die eiendom. Om die huis binne te gaan moet gaste die trappe op neem, verby 'n woonstelletjie. Gaste kan sterrekyk, die gedruis van die branders geniet en robbe, dolfyne en walvisse in seisoen bewonder.

Scarborough is 'n versteekte juweel, en is die tuiste van 'n handvol nuwerwetse kafees, 'n baie goeie Italiaanse restaurant, en die bekende Camel Rock-restaurant, met musiek-optredes, ens.

Sunset Villa Scarborough is sowat 15 minute vanaf Boulders Beach in Simonstad, 10 minute vanaf Kaappunt Natuurreservaat se ingang en sowat 60 minute vanaf Kaapstad Internasionale Lughawe.

Kry ’n Kwotasie