Moeg Geploeg Lodge

Selfsorg

Kapasiteit: 3 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Seaview-weg 1, Sunwich Port, Port Shepstone, 4230, KwaZulu-Natal
Vanaf R750 per nag, vir 3 mense

Beskrywing

Moeg Geploeg Lodge is 'n selfsorg-eenheid in Sunwich Port, 14 km vanaf Port Shepstone, 200 m van Sunwich Port se strand af, 2 km vanaf Southport-blouvlagstrand en stapafstand vanaf 4 gewilde restaurante. Die Polisiestasie is in dieselfde straat 200 m ver.

Dié ateljee-lodge beskik oor 'n slaaparea, kombuis, 'n en- suite-badkamer en 'n aparte gaste-toilet. Die slaaparea het 'n koninggrootte-bed met 'n elektriese kombers vir daardie die koue aande. 'n Platskerm-TV met eie DStv-kanale en 'n DVD-speler is beskikbaar.. Die lodge het lugversorging in die slaaparea en ook n olie verwarmer. Die kombuis het 'n oondjie met 'n tweeplaat-gasstoof, yskas-vrieskas, mikrogolf, breekware, kook- en eetgerei en 1 tafel met 4 stoele. Die badkamer het 'n stort, wasbak en toilet.

Die woonstel lei na 'n groot kuierarea met 'n ingeboude braai, etenstafel met sitplek vir 6, veerpyltjiebord en leesstof. Die kuierarea het sy eie toilet. Daar is ook 2 enkel beddens. Daar is ook 'n yskas met yskoue boetiekbier en ander drankies. Die lodge brou sy eie bier. Slegs uitvoer-wyne is op versoek beskikbaar. Daar is ook gratis onbeperkte WiFi en veilige onderdakparkeerplek. Hout vir die kaggel en buitebraai is gratis. Die lodge voorsien sy eie water en elektrisiteit.

Die perseel word 24 uur deur geslotekringtelevisie en 'n sekuriteitsfirma beveilig. Buite die lodge is 'n groot vlekvrye-staalblad om vis op skoon te maak. Die lodge het sy eie water op die perseel en is nie van munisipale watervoorsiening afhanklik nie. Indien kragtoevoer onderbreek word is daar 12volt LED-ligte wat net by 'n skakelaar aangesit moet word. Onderdakparkeerplek agter 'n geslote hek is beskikbaar.

Moeg Geploeg Lodge is 30 km vanaf Oribi Gorge en Elandmeer, en 10 km vanaf Hibberdene en 30 km van Margate. Daar is 5 top gholfbane binne 'n 40 km-radius vanaf die lodge.

Die verblyf is troeteldiervriendelik, maar groot honde word nie toegelaat nie.

Kry ’n Kwotasie