Montagu Springs

Selfsorg

Kapasiteit: 302 persone
Alle ouderdomme is welkom
Inkloktyd: 15:00 tot 17:00
Uitkloktyd: 10:00
Adres: Uitvlucht-straat 2093, Montagu, 6720, Wes-Kaap
Vanaf R995 per nag (plek vir 2)

Beskrywing

Montagu Springs is in die middel van die bekende Roete 62 geleë en is die perfekte wegbreekplek in 'n asemrowende omgewing. Dis sowat 200 km vanaf Kaapstad en naby die Breederiviervallei, Robertson en uitstekende wynplase.

Montagu is die perfekte plek vir gaste wat wil wegkom van die stadsgewoel. Dit lê langs die Keisierivier wat sorg vir pragtige natuurskoon en watervalletjies. Hier is 'n groot verskeidenheid spesies voëls.

Hier is werklik iets vir almal soos gemaklike verblyf, pragtige natuurskoon en lekker doendinge. Dit is ideaal vir romantiese wegbreke vir paartjies, families wat op soek is na 'n lekker plek wat almal sal geniet, en selfs vir diegene wat 'n onvergeetlike tyd saam met hul vriende wil geniet.

Die selfsorg-kothuise by Montagu Springs is nie net op 'n stukkie paradys geleë nie, maar pas alle behoeftes en begrotings. Daar is slaapplek vir 2 tot 4 volwassenes, 'n oopplan-sitkamer en -eetkamer asook 'n kombuis wat volledig toegerus is. Lugversorging en privaat braaiplekke is beskikbaar en gaste kan kies of hulle in chalets met 1 of 2 slaapkamers wil tuisgaan.

Daar is tientalle lekker doendinge by Montagu Springs. Die bekroonde warmswembaddens is vir volwassenes én kinders 'n trekpleister. Daar is ook 3 koue swembaddens, braaigeriewe by elke chalet, 2 tennisbane, piekniekplek langs die rivier, 'n speelarea met 'n klimraam vir kinders, fietse om te huur en 'n grasperk.

Besienswaardighede in die omgewing sluit avontuursport, wyntoere, gholf, kuns en kunsvlut, bootritte op die rivier en trekkerritte in.

Buiten die magdom doendinge bied Montagu Springs ook 'n ontspannende omgewing. Die 'n toevlugsoord tussen boorde, wingerde, pragtige berge en asemrowende bergpasse.

Kry ’n Kwotasie